Tag Archives: வைட்டமின்

ஆமாம்! நம்பிக்கைதான் வாழ்க்கை! – பகுதி 3

3 செப்

சென்ற இடுகையில் உடலில் எப்படி சக்தி கிடைக்கிறது என்பது பற்றியும், உடலில் வளர்சிதை மாற்றம் ஏற்படும்போது, ஃப்ரீ ராடிக்கல்ஸ் என்ற குறைபாடுள்ள அணுக்கள் உருவாவது பற்றியும், அவை ஆபத்தானவை என்றும், அவற்றை சரி செய்ய வைட்டமின் C யும், வைட்டமின் E யும் அவசியம் தேவை என்றும் கவிஞர் கடிவேலு சொன்னாரல்லவா? மறுபடியும் ஞாபகப்படுத்திக் கொள்ள இங்கே சொடுக்கவும்.

“ஃப்ரீ ராடிக்கல்ஸை சரி செய்ய வைட்டமின் C யும், வைட்டமின் E யும் அவசியம் தேவை என்று சொன்னீர். அதன் மூலமாகவே நோயின் தாக்கத்திலிருந்து விடுபட்டு விட முடியுமா?” என்று கேட்டேன்.

“வைட்டமின் C யும், E யும் (Antioxidants என்று சொல்வார்கள்) மட்டுமல்ல, நோயின் காரணமாக நோயாளியின் பெரும்பாலான செல்கள் சிதைந்திருக்கும்; பாதிப்படைந்திருக்கும் அந்த செல்கள் சரியாவதற்கு புரதம் தேவை. புது செல்கள் உருவாவதற்கும் இன்னும் பல வகையான செயல்பாடுகளுக்கும் புரதம் அவசியம் தேவை. அத்தோடு இன்னும் சில B வகை வைட்டமின்களும், இரும்பு, மக்னீஷியம் போன்ற தாதுச் சத்துக்களும் தேவை. அதனால் புரதமும், பதிமூன்று வைட்டமின்களும், பதினோரு வகை தாதுச் சத்துக்களும் அடங்கிய துணை உணவும் சேர்த்துக் கொடுத்தேன்” என்றார் கவிஞர் கடிவேலு.

“உண்மையில் மிகவும் உபயோகமான தகவல்தான். இது நோயாளிகள் மட்டுமே சாப்பிட வேண்டுமா? அல்லது எல்லோரும் சாப்பிடலாமா?” என்று கேட்டேன்.

“நல்ல ஆரோக்கியமாக உடலை வைத்துக் கொள்ள வேண்டும் என்று நினைப்பவர்களும், நோயிலிருந்து பாதுகாத்துக் கொள்ள வேண்டும் என்று எண்ணுபவர்களும் இவற்றை எடுத்துக் கொள்ளலாம். அவ்வாறு செய்யும்போது பெரும்பான்மையான நோய்கள் நம்மைத் தாக்காமல் பாதுகாத்துக் கொள்ளலாம்” என்றார்.

அத்துடன் தொடர்ந்து, “புற்று நோயைத் தடுப்பதில் கிரீன் டீ (Green Tea) யும் ஒரு முக்கிய பங்கு வகிக்கிறது” என்றார்.

“அப்படியா? அதைப்பற்றிக் கொஞ்சம் சொல்லும். தெரிந்து கொள்கிறோம்” என்றேன்.

“கிரீன் டீ பல வகைகளில் நன்மை புரிகிறது. ஃப்ரீ ராடிக்கல்ஸ் உருவாகாமல் தடுக்கிறது. வயதான தோற்றத்தைக் கொடுப்பதும் இந்த ஃப்ரீ ராடிக்கல்ஸ் தான். எனவே கிரீன் டீயை நாம் சேர்த்துக் கொள்ளும்போது இளமைத் தோற்றம் பாதுகாக்கப் படுகிறது. அத்துடன் கொலஸ்ட்ராலை குறைப்பதிலும், இரத்த அழுத்தத்தை சீர் செய்வதிலும் உடல் எடையைக் குறைப்பதிலும் கிரீன் டீ முக்கிய பங்கு வகிக்கிறது” என்றார்.

“பரவாயில்லையே, அதிகமான உடல் எடைதானே பல நோய்களுக்குக் காரணம்” என்றோம்.

“ஆமாம். நான் சிபாரிசு செய்யும் நியூட்ரிலைட் கம்பெனியில் கிரீன் டீ கலந்த புரதமும் (Protein with Green Tea) ஒரு துணை உணவாகக் கிடைக்கிறது. இதனால் எற்படும் பயன்கள் மிக அதிகம்” என்றார்.

“இதெல்லாம் மருந்துக் கடையில் கிடைக்குமா? இல்லையென்றால் வேறு எங்கு கிடைக்கும்?” என்றோம்.

“மருந்துக் கடையில் பெரும்பாலும் இரசாயணங்களினால் ஆன மருந்துகள் மட்டுமே கிடைக்கும். ஒரு சில இடங்களில் துணை உணவுகளும் கிடைக்கலாம். ஆனால் அவை நல்ல தரமான துணை உணவுகள்தானா? என்று தெரிந்து கொள்ள வேண்டும். ஏனென்றால் பெரும்பாலான துணை உணவுகள்கூட செயற்கையான இரசாயணங்களினால் உற்பத்தி செய்யப் படுகிறது. ஆனால் நான் சிபாரிசு செய்வது நியூட்ரிலைட் (Nutrilite) எனப்படும் 75 வருடங்களுக்கு மேலான பாரம்பரியமும், நல்ல அனுபவமும், தரமும் உள்ள கம்பெனியின் தயாரிப்புக்கள்தான். இவை என்னைப் போன்ற வினியோகஸ்தர்களிடம் கிடைக்கும்” என்றார்.

“அப்படி என்ன அதில் தனித்தன்மை உள்ளது?” என்று கேட்டேன்.

“அந்தக் கம்பெனியின் அனுபவம் முக்கியமானது. நூற்றுக்கணக்கான விஞ்ஞானிகள் தொடர்ந்து ஆராய்ச்சியில் ஈடுபட்டு, பல கட்டங்களாக சோதனை செய்து, ஒவ்வொரு தயாரிப்பும் வெளி வருகிறது. அத்துடன் தங்கள் சொந்த நிலத்தில் தாவரங்களை விளைவித்து, அதிலிருந்து நவீன கருவிகளைக் கொண்டு சுகாதாரமான முறையில், தாவர உயிர்ச்சத்துக்களின் சேதாரமின்றி அறுவடை செய்து, தரமான முறையில் துணை உணவுகளை உற்பத்தி செய்கிறார்கள். பயிர் செய்வதிலிருந்து அறுவடை வரை எந்தவித செயற்கையான இரசாயண உரங்களோ, பூச்சிக் கொல்லிகளோ பயன்படுத்தப் படுவதில்லை. ஆகவே அவை மிகவும் தரமானவையாக இருக்கின்றன” என்றார். கேட்பதற்கு மிகவும் ஆச்சரியமாக இருந்தது.

“இதெல்லாம் கேட்பதற்கு நன்றாக இருக்கிறது. ஆனால் அதெல்லாம் உண்மைதான் என்று எப்படி நம்புவது?” என்றோம். நாம் கேட்டது நியாயம்தானே? ஒவ்வொருவரும் தங்களுடைய தயாரிப்புகளைப் பற்றி பெருமையாகத்தானே சொல்வார்கள்.

“நீர் இப்படி கேட்பீர் என்று எனக்குத் தெரியும். நம்பிக்கைதான் வாழ்க்கை” என்றார்.

“அப்படிப் பார்த்தால் எல்லோரையும்தான் நம்ப வேண்டி வரும். நம்பினால்தான் வாழ்க்கை என்றால், எல்லோரும் நல்லவர்கள் என்று சொல்லிவிட முடியுமா? நல்லவர்களை நம்பினால் கெடுதல் இல்லை. ஆனால் கெட்டவர்களை நம்பினால் மோசமாக அல்லவா போய்விடும்?” என்றேன்.

“நல்லவர்கள் யார், நல்லவர்கள் போல் நடிப்பவர்கள் யார் என்று தரம் பிரித்து பார்க்க கற்றுக் கொள்ள வேண்டும். இல்லாவிட்டால் கெட்டவர்களை நம்பி மோசம் போகவும் வாய்ப்பிருக்கிறது. உண்மையாய் இருப்பவர்களுக்கும், உண்மை போல் நடிப்பவர்களுக்கும் உள்ள வித்தியாசத்தை புரிந்து கொள்ள வேண்டும். அதற்குத்தான் ஆண்டவன் நமக்கு சிந்திக்கும் அறிவைக் கொடுத்திருக்கிறான். அது பற்றி நான் எழுதிய இந்தக் கவிதையைப் படித்துப் பாரும்” என்று சொல்லிவிட்டுக் கிளம்ப ஆயத்தமானார் கவிஞர்.

“கவிஞரே, நேரத்தைப் பல மடங்காக பெருக்குவது எப்படி? என்பதைப் பற்றி இன்னும் சொல்லவே இல்லையே! அதற்குத்தானே இவ்வளவு நாட்களாகக் காத்திருக்கிறோம்” என்றேன்.

“மறக்கவில்லை. கட்டாயம் சொல்கிறேன். நாளை வரை பொறுத்திடுக” என்று சொல்லிவிட்டு கிளம்பிவிட்டார். நமக்கு கொஞ்சம் ஏமாற்றமாக இருந்தாலும், கவிஞர் விளக்கிய ஃப்ரீ ராடிக்கல்ஸ், புற்று நோய் மற்றும் உடல் எடை குறைப்பு பற்றிய விஷயங்களே இன்று நமக்கு போதுமானதாக இருந்ததால், நாளை வரை காத்திருப்பதை நாம் பெரிதாக நினைக்கவில்லை.

அத்தோடு கவிதை ஒன்றையும் கொடுத்திருக்கிறார் அல்லவா? அதையாவது படிக்கலாம் என்று பிரித்தேன். அதைப் படித்துப் பார்த்தபோது நெற்றிப் பொட்டில் அடித்த மாதிரி சில விஷயங்களைச் சொல்லியிருந்தார் கவிஞர். அது நாம் கேட்ட கேள்விக்கான பதிலாக மட்டுமில்லாமல் குடும்ப வாழ்க்கைக்கும், சமுதாய வாழ்க்கைக்கும், நட்புக்கும் ஏன் வியாபாரத்திற்கும் கூட மிகவும் அவசியமான ஒரு கருத்து என்பது புரிந்தது. கவிதையைப் படித்த பின் கவிஞர் மீதும் நமக்கு நம்பிக்கை வந்தது.

இந்த இடுகையும் நீளம் அதிகமானதால், அந்தக் கவிதை அடுத்த இடுகையில் இடம்பெறும்!

தங்களது கருத்துக்களை, இதில் கூறப்பட்டுள்ள கருத்துக்களில் இருந்து மாறுபட்ட கருத்தாக இருந்தாலும் சரி, பின்னூட்டத்தில் தெரிவிக்கவும். அவற்றை கவனத்தில் கொண்டு சரியான கருத்துக்களை ஏற்று பதிவேற்றுவதில் மகிழ்ச்சியடைவோம்.

Advertisements

ஆமாம்! நம்பிக்கைதான் வாழ்க்கை! – பகுதி 2

1 செப்

புற்று நோய் வந்த ஒருவரை தான் பார்க்கப் போனதாகவும், தன்னுடன் ரவிக்குமார் என்ற நண்பர் ஒருவரையும் அழைத்துப் போனதாகவும், ரவிக்குமார் தன் கதையை அந்த நோயாளி நண்பரிடம் சொன்னதாகவும் கவிஞர் கடிவேலு சொன்னதைக் கேட்டு மிகவும் பிரமிப்பாக இருந்தது என்று சொன்னேன் அல்லவா? புதிதாக வந்தவர்கள் முந்தின இடுகையை படிக்க இங்கே சொடுக்கவும். ஆமாம்! நம்பிக்கைதான் வாழ்க்கை!

கொஞ்ச நேரம் மௌனமாக இருந்தேன். அவர் சொன்ன விஷயங்களை ஜீரணம் செய்வதற்கு நமக்கு கொஞ்சம் அவகாசம் தேவைப்பட்டது. சிறிது ஆசுவாசப் படுத்திக் கொண்டு கவிஞரைப் பார்த்தேன். ஏதோ யோசனையில் இருந்தார். அவருடைய கவனத்தைக் கவரும் விதமாக, “கவிஞரே, புற்று நோயே சரியாகும் அளவுக்கு, அது என்ன துணை உணவு. அதைப் பற்றி கொஞ்சம் விபரமாகச் சொல்லும்?” என்று கேட்டேன்.

“அதைப் பற்றிச் சொல்வதற்கு முன்னால் ஒரு விஷயம். கோடிக்கணக்கான செல்களால் ஆனதுதான் நம் உடம்பு என்பது உமக்குத் தெரியுமா?” என்று கேட்டார் நம்மைப் பார்த்து.

“ஆமாம். அது தெரிந்த விஷயம்தானே?” என்றேன். நமது பதிலை ஆமோதித்தவர் போல தொடர்ந்து, “நமது உடம்பில் ஒவ்வொரு நொடிக்கும் கோடிக்கணக்கான செல்கள் இறக்கின்றன. மறுபடி கோடிக்கணக்கான செல்கள் பிறக்கின்றன. உள்ளே ஒரு பெரிய தொழிற்சாலை போல் வேலை நடந்து கொண்டிருக்கிறது” என்றார் கவிஞர்.

“ஆமாம், பிறர் சொல்லிக் கேள்விப்பட்டிருக்கிறேன்” என்றேன்.

“நமக்கு உடலில் எப்படி சக்தி கிடைக்கிறது தெரியுமா?” என்று இன்னொரு கேள்வியைக் கேட்டார்.

“நாம் சாப்பிடும் உணவிலிருந்துதான் சக்தி கிடைக்கிறது” என்றேன். நமக்கும் கொஞ்சம் விஷயம் தெரியும் என்று காட்டிக்கொள்ள வேண்டாமா?

“சரி, அந்த உணவு எப்படி சக்தியாக மாறுகிறது?” என்று கேட்டார். “சொன்னால் தெரிந்து கொள்கிறேன்” என்றேன். தெரியாது என்பதை வேறு எப்படி சாமர்த்தியமாக சொல்வது?

“அது கொஞ்சம் டெக்னிக்கலான விஷயம். அதை ரொம்பவும் விலாவாரியாகச் சொன்னால் போரடிக்கவும் செய்யலாம். அதனால் நான் புரிந்து கொண்ட விஷயத்தை சிம்பிளாகச் சொல்ல முயற்சி செய்கிறேன்” என்று பெரிய பீடிகை போட்டார்.

“எதுவானாலும் சொல்லும் கேட்டுக் கொள்கிறோம்” என்றேன்.

“நாம் உண்ணும் உணவு சக்தியாக மாறுவதற்கு, நம் உடம்பின் உள்ளே ஒவ்வொரு செல்லிலும் ஒரு வேலை நடைபெறுகிறது. அதற்குத் தேவையான ஆக்ஸிஜனை இரத்தமும், குளுக்கோஸை இன்சுலீனும் கொண்டு போய் சேர்க்கின்றன. அந்த வேலை நடைபெற்று சக்தியாக மாறும்போது, சில தேவையில்லாத பொருட்களும் உருவாகின்றன. அதை ஃப்ரீ ராடிகல்ஸ் (Free Radicals) என்று சொல்வார்கள். இவை மிகவும் ஆபத்தானவை” என்று நிறுத்தினார்.

“ஆபத்தானவையா, எப்படி?” என்று கேட்டேன்.

“ஒவ்வொரு செல்லிலும் அணுவின் மூலக்கூறுகள் உள்ளன அல்லவா? எல்லா அணுவிலும் ஒரு குறிப்பிட்ட அளவில் எலக்ட்ரான், புரோட்டான், நியூட்ரான் ஆகியவை இருக்கும். ஆனால் இந்த ஃப்ரீ ராடிகல்ஸ் என்பது ஒரு குறைபாடுள்ள அணு. ஆக்ஸிஜன் அணுவை எடுத்துக் கொண்டால் எட்டு எலக்ட்ரான், எட்டு புரோட்டான், எட்டு நியூட்ரான் இருக்கும். ஒரு ஆக்ஸிஜன் மூலக்கூறு என்பது இரண்டு ஆக்ஸிஜன் அணுக்கள் சேர்ந்தது. அதில் இரண்டு எலக்ட்ரான்கள் பொதுவானதாக இருக்கும். அதாவது மொத்தமே பதினான்கு எலக்ட்ரான்கள் இருக்கும். இதைத்தான் O2 என்று சொல்கிறோம்” என்றார் விளக்கமாக்.

நமக்கு கொஞ்சம் தலை சுற்றியது. இருந்தாலும் ஆர்வமாக கவனித்தோம். “உடலில் வளர்சிதை மாற்றம் நடைபெறும் போது இந்த ஆக்ஸிஜன் அணுக்கள் சிலவற்றில் ஒரு எலக்ட்ரான் தவறி, குறைபாடு உள்ளதாக ஆகிவிடும். இதைத்தான் ரியாக்டிவ் ஃப்ரீ ராடிகல்ஸ் என்று சொல்கிறார்கள். இது நம் உடலில் சுற்றிக் கொண்டிருக்கும்போது, தனக்குத் தேவையான இன்னொரு எலக்ட்ரானை எங்காவது ஒரு செல்லிருந்து தன்னோடு சேர்த்துக் கொள்ள முயற்சித்துக் கொண்டே இருக்கும்” என்றார்.

சில விஷயங்கள் நாம் அறியாததாகவும், புரிந்து கொள்ள முடியாததாகவும் இருந்தது. இருந்தாலும் தெரிந்து கொள்வதில் ஒரு ஆர்வம் இருந்ததால், “அதனால் என்ன கெடுதல்?” என்று கேட்டோம்.

“அவ்வாறு எந்த இடத்தில் இன்னொரு எலக்ட்ரானை தன்னோடு சேர்த்துக் கொள்கிறதோ, அந்த செல்லில் உள்ள ஒரு அணு குறைபாடுள்ளதாக அதாவது ஃப்ரீ ராடிகல்ஸ் ஆக மாறிவிடும். பிறகு அது வேறு எங்காவது இன்னொரு எலக்ட்ரானை எடுக்கும். இப்படி தொடர்ந்து நடந்து கொண்டே இருக்கும். இது போல் பல ஃப்ரீ ராடிகல்ஸ் நம் உடலில்உருவானால் என்ன ஆகும்?” என்றார்.

“என்ன ஆகும்?” என்று திருப்பிக் கேட்டோம். நமக்கு அதுபற்றி தெரியாததால்!

“இது போய் நமது DNA வையே சிதைத்து விடும். அதனால் நமக்கு நோய்கள், குறிப்பாக புற்று நோய் ஏற்படவும், அது வளர்ச்சியடையவும் வாய்ப்பிருக்கிறது. புற்று நோய்க்கு பல காரணங்கள் இருந்தாலும் இதுவும் ஒரு முக்கிய காரணம்” என்றார். எதைப்பற்றி பேசுகிறார் என்று இப்போது நமக்கு ஓரளவு புரிந்தது. புற்றுநோய் ஏன் ஏற்படுகிறது என்பதைப் பற்றி நமக்கு விளக்குகிறார்.

“அது சரி, நாம் சாப்பிடுவதும், அது சக்தியாக மாறுவதும் இயல்பாக நடைபெறுவதுதானே! அதில் இதுபோல் ஃப்ரீ ராடிகல்ஸ் உருவாகிறது என்றால், எல்லோருக்குமல்லவா நோய் வர வேண்டும்?” என்றேன்.

“நல்ல கேள்வி” என்று பாராட்டினார். பிறகு அவரே தொடர்ந்து, “நமது உடலிலேயே இயற்கையாகவே இந்த ஃப்ரீ ராடிகல்ஸை அழிப்பதற்கு வழி இருக்கிறது. அதுவும் தானாகவே நடந்து கொண்டுதான் இருக்கிறது. ஆனால் புகை பிடிப்பது, வெளியில் உள்ள சுகாதாரமற்ற சுற்றுச்சூழல், சூரிய வெப்பம், நமது உணவுப் பழக்கம் போன்ற வேறுசில காரணங்களாலும் இந்த ஃப்ரீ ராடிகல்ஸ் உருவாவது அதிகமாகிறது. அப்போது அதை அழிப்பதற்கு உடம்பில் சக்தி இருக்காது அல்லவா?” என்றார்.

“இப்போது புரிகிறது. சரி, இந்த நிலமையை எப்படி சரி செய்வது?” என்றோம் ஆர்வமாக.

“நமது உணவில் போதுமான அளவில் வைட்டமின்கள் இருந்தால், இந்த ஃப்ரீ ராடிகல்ஸ் எண்ணிக்கை குறையும். அதிலும் குறிப்பாக வைட்டமின் C யும், வைட்டமின் E யும் அவசியம் தேவை. அவை தன்னிடம் மிகுதியாக உள்ள எலக்ட்ரானை அந்த ஃப்ரீ ராடிகல்ஸ்க்கு அளிக்கிறது. அதனால் அது முழுமையான அணுவாக மாறுகிறது. அந்த வகையில் அதனால் வரக்கூடிய நோயிலிருந்து நம்மைக் காப்பாற்றுகிறது. வைட்டமின் C யைப் பற்றி ஏற்கெனவே எது விலை அதிகம்? எது விலை குறைவு? இடுகையில் சொல்லியிருக்கிறேன்” என்றார்.

“சரிதான். அவருக்கு வைட்டமின் C யும், வைட்டமின் E யும் உள்ள துணை உணவுகளைக் கொடுத்தீராக்கும்?” என்றோம். “பரவாயில்லையே, டக்கென்று புரிந்து கொண்டு விட்டீரே!” என்றார்.

“அந்த நண்பருக்கு நம்பிக்கை உண்டானதா?” என்று கேட்டேன்.

“ஆமாம், நம்பிக்கைதானே வாழ்க்கை!” என்றார் கவிஞர்.

மன்னிக்கவும். இந்த இடுகையும் நீளமானதாக ஆகிவிட்டது. மீதியை அடுத்த இடுகையில் தொடர்கிறேன்.

தங்களது கருத்துக்களை, இதில் கூறப்பட்டுள்ள கருத்துக்களில் இருந்து மாறுபட்ட கருத்தாக இருந்தாலும் சரி, பின்னூட்டத்தில் தெரிவிக்கவும். அவற்றை கவனத்தில் கொண்டு சரியான கருத்துக்களை ஏற்று பதிவேற்றுவதில் மகிழ்ச்சியடைவோம்.

நெல்லிக்கனியைக் கொடுத்தது அதியமானா? அவ்வையாரா?

3 ஆக

எது விலை அதிகம்? எது விலை குறைவு? இடுகையில் கவிஞர் கடிவேலு வைட்டமின் `Cயைப் பற்றி நீண்ட விளக்கம் கொடுத்தார் அல்லவா? நிறைய விஷயங்கள் நமக்கு சரியாகப் புரியவில்லை. “கவிஞரே, நீர் எப்படி இவ்வளவு விஷயங்களை தெரிந்து வைத்திருக்கிறீர்? ஒரு டாக்டர் மாதிரி பேசுகிறீரே!” என்று கேட்டேன்.

“நான் அடிக்கடி கருந்தரங்குகளில் கலந்து கொள்வது இது போன்ற விஷயங்களைத் தெரிந்து கொள்வதற்காகத்தான். மறுபடி மறுபடி ஒரு விஷயத்தை கேட்கும் போது அது நமக்கு அத்துபடி ஆகிவிடும். அத்தோடு அதே போல் பேசவும் சுலபமாக பழகிவிடும்” என்றார்.

“அப்படியென்றால் நீரும் கருத்தரங்குகளில் பேசுவீரா?” என்றோம் ஆச்சரியமாக.

“இல்லை. அதற்கு இன்னும் கொஞ்சம் பெரிய ஆளாக ஆக வேண்டும்”. ஆனால் சிறிய கூட்டங்களில் நான் பேசுவதுண்டு. இதே வைட்டமின் `Cயைப் பற்றி ஓரிடத்தில் நான் பேசும் போது, அது ஒரு சுவாரசியமான விவாதமாகி விட்டது” என்றார். அது என்ன? என்று நாம் கேட்டதற்கு அவர் சொன்ன விஷயங்கள் மிகவும் ரசிக்கும்படி இருந்தது. அதைச் சுருக்கமாக இங்கே தருகிறேன்.

வைட்டமின் `Cயைப் பற்றி பேசிய கவிஞர் கடிவேலு, ‘நாம் நோயாளிகளை பார்க்கப்போகும் போது வைட்டமின் `Cஉள்ள ஆரஞ்சு பழங்கள் வாங்கிக்கொண்டு போவது வழக்கமல்லவா, அது அவர்கள் சீக்கிரம் குணமடைய வேண்டும் என்பதற்காகத்தான். அதுபோல், பெரியவர்களைப் பார்க்கப் போகும் போது ஆப்பிள் அல்லது ஆரஞ்சு பழம் வாங்கிக்கொண்டு போவதும் நமது வழக்கம்தான்’ என்று சொல்லி விட்டு, ‘தில்லானா மோகனாம்பாள் படத்தில் நாகேஷ் எப்போதும் ஒரு எலுமிச்சை பழத்தை கையில் வைத்திருப்பார். யாராவது பெரியவர்களைப் பார்த்தால் உடனே அதைக் கொடுப்பார்‘ என்றாராம்.

அப்படி சொல்லிக் கொண்டு வரும்போது, கவிஞருக்கு அதியமான், அவ்வையார், நெல்லிக்கனி போன்றவை ஞாபகம் வந்திருக்கிறது. மேலும் சுவாரசியமாக இருக்கட்டுமே என்று, ‘இதுபோலத்தான் ஒருமுறை அவ்வை அதியமானைப் பார்க்க போன போது அதியமானுக்கு நெல்லிக்கனியை கொடுத்தார்‘ என்று சொல்லி விட்டாராம். உடனே கூட்டத்தில் இருந்த ஒருவர், நெல்லிக்கனியை அவ்வை கொடுக்கவில்லை; அதியமான்தான் அவ்வைக்கு நெல்லிக்கனியை கொடுத்தார் என்று மறுப்பு தெரிவித்தாராம். இன்னொருவர் இல்லை இல்லை அவ்வைதான் அதியமானுக்குக் கொடுத்தார் என்றாராம். சற்று நேரத்தில் இதுவே ஒரு பெரிய விவாதமாகி விட்டதாம்.

அந்தக் கூட்டத்தில் ஒரு தமிழாசிரியரும் இருந்திருக்கிறார். அவரிடம் விளக்கம் கேட்ட போது, ‘அவ்வையின் பணி தமிழுக்குத் தேவை என்று கருதி, அவர் நீடூழி வாழ வேண்டும் என்பதற்காக தனக்கு கிடைத்த நீண்ட ஆயுளைக் கொடுக்கும் கருநெல்லி ஒன்றை அதியமான் அவ்வைக்கு கொடுத்து சாப்பிடச் சொன்னானாம்; அதுதான் தான் படித்து தெரிந்து கொண்டது’ என்றாராம் அந்த தமிழாசிரியர்.

உடனே கவிஞர் கடிவேலு ‘தமிழாசிரியர் சொன்னதையே முடிவாக எடுத்துக் கொண்டு, இந்த விவாதத்தை இத்துடன் நிறுத்திக் கொள்வோம். இல்லாவிடில் இந்த விவாதம் தொடர்ந்து நடந்து, யாருக்கு யார் நெல்லிக்கனியைக் கொடுத்தார்கள் என்பது நமக்கு தெளிவாகிவிடும். ஆனால் வைட்டமின் `Cஉள்ள BIO C யை யாருக்கு கொடுக்க வேண்டும் என்பது நமக்கு தெரியாமல் போய் விடும்‘ என்று சொல்லி அந்த விவாதத்திற்கு முற்றுப் புள்ளி வைத்தாராம்.

கவிஞர் கடிவேலு பேசிய இந்த பேச்சு எல்லோருக்கும் பிடித்து விட்டதாம். அந்தக் கூட்டத்தில் கலந்து கொள்ளாத அந்த குழுவின் தலைவி, இதைப் பற்றி கேள்விப்பட்டு, கவிஞர் கடிவேலு அடுத்த கூட்டத்திலும் வைட்டமின் `Cயைப் பற்றியே பேச வேண்டும் என்று கேட்டுக் கொண்டாராம். அடுத்த கூட்டத்தில் பேச்சை ஆரம்பித்த உடனேயே கவிஞர் கடிவேலு சொன்ன நகைச்சுவையைக் கேட்டு எல்லோரும் விழுந்து விழுந்து சிரித்தார்களாம்.

“அப்படி என்னதான் சொன்னீர்” என்று ஆவலை அடக்க முடியாமல் கேட்டேன்.

அடுத்த கூட்டத்தில் கவிஞர் கடிவேலுவை பேச அழைத்த போது, முதலில் அனைவருக்கும் நன்றி சொல்லிவிட்டு, ‘இந்தக் கூட்டத்திலும் தன்னை வைட்டமின் `Cயைப் பற்றி பேசச் சொல்லி இருக்கிறார்கள். ஒரு ஆசிரியர் வகுப்பில் பாடம் நடத்தினாராம். நடத்தி முடித்தவுடன் புரிகிறதா என்று கேட்டாராம். மாணவர்கள் புரியவில்லை என்று பதில் சொல்லியிருக்கிறார்கள்’ என்று ஆரம்பித்தாராம். கூட்டத்தில் இருந்தவர்கள் இவர் என்ன திடீரென்று வேறு என்னவோ பேசுகிறாரே என்று வித்தியாசமாகப் பார்த்திருக்கிறார்கள்.

ஆனால் நம் கவிஞர் அதைப் பற்றிக் கவலைப் படாமல் தொடர்ந்து பேசியிருக்கிறார். ‘அந்த ஆசிரியர் மறுபடி அதே பாடத்தை நடத்தினாராம். பிறகு புரிகிறதா என்று கேட்டாராம். அப்போதும் புரியவில்லை என்று மாணவர்கள் சொன்னார்களாம். மூன்றாம் முறை நடத்திய பின்பும் புரியவில்லை என்று சொல்லியிருக்கிறார்கள். அதற்கு அந்த ஆசிரியர் சொன்னாராம். மூன்றாம் முறை நடத்திய போது எனக்கே புரிந்து விட்டதே, உங்களுக்கு இன்னுமா புரியவில்லை என்று கேட்டாராம்’ என்று கவிஞர் கடிவேலு சொல்லி முடித்த போது எல்லோரும் விழுந்து விழுந்து சிரித்திருக்கிறார்கள்.

இது தான் படித்த நகைச்சுவை என்று தொடர்ந்து பேசிய கவிஞர், ‘அதுபோல எனக்கு இந்த விஷயம் நன்றாக புரிய வேண்டும் என்பதற்காக, என்னை மறுபடியும் அதே விஷயத்தை பேச சொல்லி இருக்கிறார்கள்.. அதற்கு நன்றி தெரிவித்துக் கொள்கிறேன்‘ என்றாராம். மறுபடியும் எல்லோருக்கும் சிரிப்பை அடக்க முடியவில்லையாம். ‘நாம் ஒரு விஷயத்தைச் சொல்லிக் கொடுக்கும் போது அது நமது மனதில் நன்றாகப் பதிகிறது என்று லெ கிப்ளின் தன்னுடைய Skill with People என்ற புத்தகத்தில் எழுதியிருக்கிறார்’ என்றாராம். அதன் பிறகு BIO C யைப் பற்றி அவர் பேசியதையும் எல்லோரும் ரசித்திருக்கிறார்கள். அன்றிலிருந்து கவிஞரின் பேச்சு என்றால் எல்லோரும் கூட்டத்தில் தவறாமல் ஆஜராகி விடுவார்களாம்.