Tag Archives: உடம்பு

நிம்மதியான தூக்கம் வேண்டுமா?

15 அக்

இன்றைய அன்றாட வாழ்க்கையை கொஞ்சம் யோசித்துப் பார்த்தால் எங்கும் அவசரம், எதிலும் அவசரம். யாருக்கும் பொறுமையில்லை. விடிந்ததிலிருந்து அடைந்தது வரைக்கும் என்று கிராமங்களில் சொல்வார்கள், அது போல காலை எழுந்ததிலிருந்து இரவு படுக்கப் போகும் வரை ஒரே பரபரப்புதான். நிற்பதற்கு கூட நேரமில்லை, எப்போதும் அவசர கோலம்தான். இந்த அவசரமான காலகட்டத்தில் எல்லோருக்கும் நிம்மதியான தூக்கம் இருக்கிறதா என்றால், பெரும்பாலான மனிதர்களுக்கு அது இல்லை என்றுதான் சொல்ல வேண்டும்.

இரவு டிவியில் எல்லா சீரியல்களையும் பார்த்து விட்டு படுக்கப் போகும் போது அநேகமாக இரவு பதினொன்றைத் தாண்டியிருக்கும். அதற்குப் பிறகு படுத்தால் உடனே தூக்கம் வருமா? சீரியல்களில் வந்த கதாநாயகியை அந்த வில்லிகள் படுத்தும்பாடு மனதில் வந்து போகும். வில்லிகள் மேல் கோபம் கோபமாக வரும். வீட்டிலுள்ள மாமியாரையோ, மருமகளையோ, நாத்தனாரையோ பார்த்தால் அந்த வில்லிகள் போலவே தோன்றும்.

எப்படியோ தானாக சிறிது நேரத்தில் தூக்கம் வந்து தூங்கி விட்டால், இரண்டு அல்லது மூன்று மணி நேரம் கழித்து விழிப்பு வந்து விடும். அதன் பிறகு விடிய விடிய சிவராத்திரிதான். தூக்கம் வருவதற்கான வழிமுறையாக ஒன்னு ரெண்டு என்று எண்ண ஆரம்பித்தால் விடியும்போது ஆறாயிரத்து ஐநூத்தி முப்பத்து மூன்றைத் தாண்டி இருக்கும். ஆனால் தூக்கம் மட்டும் வராது.

கொஞ்ச நேரத்தில் விடிந்து விடும். அதன் பிறகு படுக்கையில் இருக்க முடியுமா? கண்களில் தூக்கத்தை மிச்சம் வைத்துக் கொண்டு காலையில் வழக்கமாகச் செய்யும் எல்லா வேலைகளையும் செய்ய வேண்டி இருக்கும். பெண்களென்றால் கணவனுக்கு சாப்பாடு தயார் செய்து, குழந்தைகளை ரெடி பண்ணி ஸ்கூலுக்கு அனுப்புவதற்குள் போதும் போதும் என்றாகி விடும்.

சரி! பத்தரை மணியாகி விட்டது. கொஞ்ச நேரம் தூங்கலாம் என்று நினைத்து படுக்கையில் படுத்து, தூக்கம் வரும் வரை டிவி பார்க்கலாம் என்று ஆன் பண்ணினால், டிவியில் மத்தியான சீரியல்கள் ஆரம்பித்திருக்கும். அப்புறம் எங்கே தூங்குவது?

ஆனால் இங்கு ஒரு உண்மையைப் புரிந்து கொள்ள வேண்டும். தேவையான அளவு தினமும் தூங்கவில்லை என்றால் அது கொஞ்சம் கொஞ்சமாக உடல் நலத்தைப் பாதிக்கும். மன நிம்மதியைக் கெடுக்கும். அதனால் சிலர் தூக்கம் வருவதற்காக தூக்க மாத்திரைகளைப் பயன்படுத்துவார்கள். இது மிகவும் தவறான பழக்கம். நாளடைவில் தூக்க மாத்திரை போடாமல் தூக்கம் வராது என்ற நிலையில் கொண்டு போய் விட்டு விடும்.

பிறகு என்னதான் செய்வது?

முதலில் இரவு பத்து மணிக்கெல்லாம் படுக்கைக்குச் சென்று விடும் பழக்கத்தை மேற்கொள்ள வேண்டும். பத்து மணியிலிருந்து அதிகாலை நான்கு மணி வரை தூக்குவதுதான் ஆரோக்கியமானது. தூங்குவதற்கு முன் சிறிது நேரம் புத்தகங்களைப் படிக்கும் பழக்கம் தூக்கம் வர உதவியாக இருக்கும்.

இடையில் விழிப்பு ஏற்பட்டு அதன் பிறகு தூக்கம் வரவில்லையா? உங்களுக்கு மொபைல் போனில் சினிமா பாட்டு பதிந்து வைத்துக் கேட்கும் பழக்கம் இருக்கிறதா? அப்படியென்றால் எளிதான ஒரு வழி இருக்கிறது. சினிமா பாட்டுகளுக்குப் பதிலாக, ஆன்மீகம் அல்லது சுய முன்னேற்றம் சம்பந்தமான சிலரது பேச்சுக்கள், சொற்பொழிவு அல்லது பிரசங்கம் போன்றவற்றைப் உங்கள் மொபைல் போனில் பதிவு செய்து வைத்துக் கொள்ளுங்கள்.

இவையெல்லாம் இணையத்தில் இலவசமாகவே கிடைக்கிறது. இரவில் எப்போது உங்கள் உறக்கம் கலைகிறதோ அல்லது உறக்கம் வராமல் தவிக்கிறீர்களோ அப்போது இந்த பேச்சுக்களை கேட்க ஆரம்பியுங்கள். பத்து அல்லது பதினைந்து நிமிடங்களுக்குள் உங்களை அறியாமலே உறங்கிப் போய் விடுவீர்கள். இன்னும் கொஞ்சம் அதிக நேரம் விழித்திருந்தாலும் பரவாயில்லை. காரணம் நீங்கள் கேட்பது உங்களுக்குப் பயனுள்ள விஷயங்கள்தான். அதனால் நன்மைதான்.

கையில் பெருவிரலுக்கு பக்கத்தில் ஒரு புள்ளியை சிறிது நேரம் லேசாக அழுத்திக் கொண்டிருந்தால், சிறிது நேரத்தில் தூக்கம் வந்து விடும் என்றும் சொல்வார்கள். அல்லது யோகா மற்றும் தியானம் போன்றவற்றை முறையாக கற்றுக் கொண்டு அதை தினமும் பயிற்சி செய்து கொண்டிருந்தால் தூக்கம் வராமல் தவிக்கும் பிரச்சினை இருக்காது.

இன்னொரு விஷயம். இரவில் உங்கள் போன் மூலமாக நீங்கள் கேட்கும் பேச்சுக்கள் தனித்தனி Audio File களாக இருக்கட்டும். Playist ல் போட்டு கேட்க வேண்டாம். காரணம் நீங்கள் தூங்கி விட்டாலும் ஒரு 40 அல்லது 50 நிமிடங்களில் அது தானாக நின்று விடும். இல்லாவிடில் Playist ல் உள்ள அத்தனை Audio File களூம் ஒன்றன் பின் ஒன்றாக போய்க்கொண்டே இருக்கும். அது பேட்டரிக்கு கேடு.

கடைசியாக ஒரு விஷயம். நீங்கள் எவ்வளவு முயற்சித்தும் தூக்கம் வரவில்லையா. கவலைப் பட வேண்டாம். அடுத்த நாள் முதல் நாள் விடுபட்ட தூக்கத்தையும் சேர்த்து தூங்கி விடுவீர்கள். உங்கள் உடம்பு தானாகவே அதைச் சரி செய்து கொள்ளும்.

தூக்க மாத்திரை போட்டு தூங்கும் பழக்கதை கண்டிப்பாக தவிர்த்து விடவும்.

Advertisements

உடல் இளைக்க கவிஞர் தரும் டிப்ஸ்!

28 பிப்

உடல் இளைக்க என்ன செய்ய வேண்டும் என்று கவிஞர் கடிவேலு முந்தைய இடுகைகளில்  சொல்லி வந்தாரல்லவா? பிறகு இன்னொரு நாள் வருகிறேன் என்று புறப்பட்டுப் போய் விட்டார். அதன் பிறகுதான் கவிஞரிடம் நாம் கேட்க நினைத்த சில கேள்விகளை கேட்காமல் விட்டு விட்டது ஞாபகம் வந்தது. அடுத்த முறை கட்டாயம் அவற்றைக் கேட்டுவிட வேண்டும் என்று உறுதி எடுத்துக் கொண்டோம்.

நமது முந்தைய இடுகையான ‘யார் கிச்சன் சூப்பர் ஸ்டார்? – பகுதி 2’ வெளியானதும் அதைப் படித்து விட்டு உடனே நமக்குப் போன் பண்ணினார் கவிஞர். நமக்கு ஈமெயிலில் கவிதை ஒன்று அனுப்பி இருப்பதாகவும் சொன்னார். உடனே மெயிலைத் திறந்து அந்தக் கவிதையை வாசித்தோம். இதோ அந்தக் கவிதை!

ஆரோக்கியத்தில் கவனம் வைப்போம்

ஓரறிவுள்ள உயிரினம் முதல் – ஆறில்
ஓரறிவு குறைந்த விலங்கினம் வரை
ஓராயிரம் வகையான உணவுகளை
ஒருபோதும் புசிப்பதில்லை – உடலளவும்
ஒன்றுபோலே இன்னொன்று; மாற்றமில்லை
ஆறறிவுள்ள நாம்மட்டும் ஆயிரத்தெட்டு
கூறுகளென உணவுகளை வகைசெய்து – அதில்
யார்வருவார் சமையலறைத் தாரகையென
பார்புகழ பலவகை போட்டிகள் நடத்தி
பார்ப்பவர் மனத்தில் ஆசையைப் புகுத்தி
புதுப்புது உணவுகளை ருசிபார்த்து – அதனால்
ஒருவரை யொருவர் மிஞ்சவே உடல்பெருத்து
பலவகை நோய்களை வரவழைத்து நாம்பெற்ற
அழகான உருவத்தை அவலட்சணமாகவே
ஆக்கிடவோ ஆற்றல்மிக்க ஆறறிவை நாம்பெற்றோம்
ஆக்கபூர்வ நிகழ்ச்சிகளை நாம்ரசிப்போம் – அத்துடன்
ஆரோக்கியத்தில் மிக்கவே கவனம் வைப்போம்

படித்து முடித்ததும் கவிஞரை போனில் அழைத்து கவிதை நன்றாக இருந்தது என்று பாராட்டினோம். அதற்கு அடுத்து நம்மிடம் ஒரு கேள்வி கேட்டார் கவிஞர்.

“தகுதியுள்ள ஒரு போட்டியாளர் திடீரென போட்டியிலிருந்து விலக நேர்ந்தது தானே உம்மை ‘யார் கிச்சன் சூப்பர் ஸ்டார்’ என்ற முதல் இடுகையை எழுதத் தூண்டியது?”

“ஆமாம்! உண்மைதான். அப்படியானால் நீர் நமது முந்தைய இடுகையை வாசித்தீரா? ஆனால் அதைப்பற்றி கருத்து எதுவும் நீர் ஏன் சொல்லவில்லை? நாம் அதை ரொம்பவும் எதிர்பார்த்தோம்”

“அந்த இடுகை வந்த உடனே நான் அதைப் படித்து விட்டேன். ஆனால் உடல் இளைக்கும் முயற்சியில் இருந்த எனக்கு, அந்த நிகழ்ச்சியைப் பற்றியோ, உமது இடுகையைப் பற்றியோ எதுவும் சொல்ல எனக்கு தயக்கமாக இருந்தது” என்றார்.

“அதற்கும் இதற்கும் என்ன சம்பந்தம்?” என்றோம் புரியாமல்.

“நீர் ஒன்று கவனித்தீரா? அந்த நிகழ்ச்சியில் பங்கு பெற்றவர்களில் ஒரு சிலரைத் தவிர மற்றவர்களெல்லாம், ஏன் நடுவர்கள் உட்பட கொஞ்சம் ஓவர் வெயிட் உள்ளவர்களாகவே இருந்தார்கள்”

“ஆமாம், அதனால் என்ன?”

“உடல் எடை குறைக்க முயற்சிப்பவர்கள் ஒல்லியான உடல்வாகு உள்ளவர்களையே அடிக்கடி பார்க்க வேண்டும். அவர்களைப் பற்றியே நினைக்க வேண்டும். அவர்களைப் பற்றியே பேச வேண்டும். இது ஒரு வகையில் அவர்ளுடைய முயற்சிக்கு உதவும். அதாவது எடை குறைந்த பிறகு நீங்கள் எப்படி இருப்பீர்கள் என்று மனக்காட்சியில் காண அது உதவும். அதாவது உடல் எடை குறைப்பில் உங்கள் எண்ண ஒருங்கிணைப்பிற்கு உதவியாக இருக்கும்”

“நீர் சொல்வது சரியாகவே இருந்தாலும், நமது தினசரி வாழ்க்கையில் அதிக எடை உள்ளவர்களைப் பார்க்காமலே இருக்க முடியுமா? அது சாத்தியமான காரியமில்லையே!”

“உண்மைதான். நாம் ஏற்கெனவே அறிந்தவர்களை, நம்முடனே இருப்பவர்களை நாம் பார்க்கும்போது அவர்களுடைய உடல் எடை நம்முடைய கவனத்தைக் கவராது. அவர்களுடைய குணாதிசயம்தான் நம்முடைய கவனத்தில் இருக்கும். அதை வைத்துத்தான் அவர்களுடன் பழகுவோம். ஆனால் புதிய மனிதர்களின் விஷயத்தில் அப்படியல்ல. முதலில் அவர்களுடைய உருவமும், எடையும்தான் நமது கவனத்தில் பதியும்”

“ஓஹோ! இதில் இவ்வளவு விஷயம் இருக்கிறதா?”

“அதனால்தான் அந்த நிகழ்ச்சியைப் பற்றி நான் எதுவும் சொல்லவில்லை. அப்படி சொல்ல வேண்டுமென்றால் அந்த நிகழ்ச்சியைக் கூர்ந்து கவனிக்க வேண்டும். அதில் பங்கேற்பவர்களை உன்னிப்பாக கவனித்து ரசிக்க வேண்டும்”

“அப்படியென்றால் அந்த நிகழ்ச்சியைப் பார்க்கக் கூடாது என்று சொல்கிறீரா?”

“நான் அப்படிச் சொல்லவில்லை. நிகழ்ச்சியை ரசிக்கலாம். ஆனால் நம்முடைய ஆரோக்கியத்திலும் விழிப்புணர்வுடன் இருக்க வேண்டும். அதைத்தான் அந்தக் கவிதையில் சொல்லியிருக்கிறேன்” என்றார் கவிஞர்.

உடல் இளைக்க என்ன செய்ய வேண்டும்? – பகுதி 2

8 பிப்

உடல் இளைக்க என்ன செய்ய வேண்டும் என்பதைப் பற்றி சென்ற இடுகையில் கவிஞர் கடிவேலு சொன்னாரல்லவா? ஒரு குறிப்பிட்ட காலக் கெடுவை ஏற்படுத்திக் கொண்டு உணவில் கவனம் செலுத்தி, நேர்மறை மனோபாவத்தோடு, எளிதான உடற்பயிற்சியையும் செய்து வந்தால் கொஞ்சம் கொஞ்சமாக எடை குறையும் என்றும் அதுதான் ஆரோக்கியமான முயற்சி என்றும் சொன்னார். அதை இடுகையை மறுபடியும் வாசிக்க இங்கே சொடுக்கவும்.

தொடர்ந்து கவிஞரிடம் நம்முடைய கேள்விகளை தொடுக்க ஆரம்பித்தோம்.

“கவிஞரே, ஒரு குறிப்பிட்ட கால அளவை குறிக்கோளாக வைத்துக் கொள்ள வேண்டும் என்று சொன்னீர். அந்த கால அளவு எவ்வளவு?”

“நாம் ஏற்கெனவே சொன்னபடி நம்முடைய BMI யைத் தெரிந்து கொண்டபிறகு, எவ்வளவு எடை குறைக்க வேண்டும் என்று நமக்குத் தெரிந்து விடும். ஆனால் அந்த எடையை ஒரேயடியாக குறைத்து விட வேண்டும் என்று முயற்சிக்கக் கூடாது”

“நீர் சொல்வது புரியவில்லையே!”

“அதாவது உமது இப்போதைய எடையிலிருந்து முப்பது கிலோ குறைக்க வேண்டும் என்றால், அந்த முப்பது கிலோவையும் ஒரே மூச்சில் குறைத்து விடலாம் என்று நினைத்து முயற்சிக்கக்கூடாது”

“அதாவது கொஞ்சம் கொஞ்சமாகக் குறைக்க வேண்டுமாக்கும்”

“ஆமாம், முதலில் ஐந்திலிருந்து எட்டு அல்லது பத்து கிலோ வரை குறைக்க முயற்சி செய்ய வேண்டும். அதற்கே மூன்று முதல் நான்கு மாதங்கள் ஆகலாம். அதன் பிறகு சுமார் ஒரு மாதம் இடைவெளி விட வேண்டும்”

“என்ன, ஒரு மாதம் இடைவெளி விட வேண்டுமா? சரிவிகித உணவு முறையைப் பின்பற்றவோ, உடற்பயிற்சி செய்யவோ தேவையில்லையா?”

“இல்லை, நான் அப்படிச் சொல்லவில்லை. உடற்பயிற்சியை கண்டிப்பாகத் தொடர வேண்டும். ஆனால் உணவு வகைகளில் நாம் வழக்கமாகச் சாப்பிடும் உணவுகளை சிறிது கவனத்துடன் அளவாக எடுத்துக் கொள்ளலாம். ஆனாலும் கலோரி பற்றிய விழிப்போடு இருக்க வேண்டும்”

“அப்படியானால் அந்த மூன்று மாதத்தில் வழக்கமான உணவுகளை எடுத்துக் கொள்ளக் கூடாதா? வேறு எவற்றை உணவாக எடுத்துக் கொள்ள வேண்டும்? நீர் சொல்வதைப் பார்த்தால் பத்தியம் இருக்க வேண்டும் போல் தோன்றுகிறதே?”

“இல்லை, பத்தியமெல்லாம் தேவை இல்லை. கலோரி குறைந்த சரிவிகித உணவு பாக்கெட்டில் விலைக்கு கிடைக்கிறது. அதைப் பற்றி பிறகு சொல்கிறேன். இப்போது நான் சொல்ல வருவது குறிப்பிட்ட அந்த மூன்று மாத காலத்தில் கலோரி குறைந்த சரிவிகித உணவை ஒரு வேளையும் மீதி இரண்டு வேளை வழக்கமான உணவையும் எடுத்துக் கொள்ளலாம்”

“அதற்குப் பிறகு ஒரு மாத காலம் இடைவெளி விட வேண்டுமாக்கும்”

“ஆமாம், இந்த ஒரு மாத கால இடைவெளியில் நமது எடையில் கவனம் வைப்பது அவசியம். அனேகமாக எடை கூடாது. ஆனாலும் ஒரு கிலோ அல்லது ஒண்ணரை கிலோ கூடியிருப்பதாகத் தோன்றினாலும் கவலைப் பட வேண்டியதில்லை”

“இப்போது புரிகிறது. நாம் சாப்பிடும் உணவு வகைகள் ஒவ்வொன்றும் எவ்வளவு கலோரி என்று தெரிந்து வைத்துக் கொள்வது அவசியம் என்று சொல்கிறீர், இல்லையா?”

“ஆமாம், ஆனால் ஒரு சில நாட்கள் கவனித்தாலே, பிறகு அது நமக்கு மனப்பாடமாகி விடும்”

“சரி, எளிதான உடற்பயிற்சி என்று சொன்னீரே, என்ன மாதிரியான உடற்பயிற்சி? அதை எவ்வளவு நேரம் செய்ய வேண்டும்?”

ஒன்பது அல்லது பத்து வகை உடற்பயிற்சிகள் செய்ய வேண்டும். ஒவ்வொன்றும் சுமார் இரண்டு நிமிடங்கள் செய்தால் போதும். அதாவது, கழுத்துக்கு, தோள்களுக்கு, மார்புக்கு, வயிற்றுக்கு, இடுப்புக்கு, கைகளுக்கு, கால்களுக்கு என்று அதில் உள்ள தசைகளுக்கு பயிற்சி கிடைப்பது போல் இருத்தல் வேண்டும். இதயம் நன்றாக துடித்து சீரான வேகத்தில் இரத்தத்தை உடல் முழுக்க பம்ப் செய்யும் அளவுக்கு இருக்க வேண்டும். வியர்வை வரும் அளவுக்கு உடற்பயிற்சி செய்ய வேண்டும். உடற்பயிற்சி செய்யும் போது மூச்சைக் கவனிப்பதும் அவசியம்”

“மூச்சைக் கவனிப்பதா? யோகப்பயிற்சியின் போதுதானே மூச்சைக் கவனிக்க வேண்டும் என்று சொல்வார்கள்?”

“மிகச் சரியாகச் சொன்னீர். ஆனால் யோகாவில் செய்வது போன்று அல்லாமல் எப்போது மூச்சு வெளியேறுகிறது, எப்போது உள்ளே இழுக்கிறோம் என்பதைக் கவனிக்க வேண்டும். மூச்சைக் கவனிக்கும் போது மனம் நம் கட்டுப் பாட்டுக்குள் வரும். அது நமக்கு விழிப்புணர்வை ஏற்படுத்தும். உமக்கு இன்னொரு ரகசியம் சொல்லட்டுமா?” என்று கேட்டார் கவிஞர்.

“ரகசியமா? சொல்லும், சொல்லும்! கேட்பதற்கு ஆவலாக இருக்கிறோம்”

நாம் சாப்பிடும் ஒவ்வொரு உணவையும் கவனித்து, மெதுவாக, மிகவும் ரசித்து சாப்பிட்டோம் என்றால் நாம் அதிகமான அளவு உண்ணமாட்டோம்

“அது எப்படி? சுவையான உணவு என்றால் அதிகமாகத்தானே சாப்பிடுவோம். அதுதானே இயற்கை”

தவறு, எந்த ஒரு செயலையும் மிகவும் ரசித்து, உணர்ந்து செய்யும் போது நமக்கு மனதில் திருப்தி ஏற்படுவது இயற்கை. அது சாப்பிடுவதற்கும் பொருந்தும். அப்படி திருப்தி ஏற்பட்டு விட்டால் நாம் அதிகமாக உண்ண மாட்டோம். அப்படியில்லாமல் டிவி பார்த்துக் கொண்டோ, பேசிக் கொண்டோ அல்லது கவனமில்லாமலோ சாப்பிடும்போது நம்மை அறியாமலே அதிக அளவு உணவை எடுத்துக் கொள்ள வாய்ப்பு இருக்கிறது

“மிகவும் ஆச்சரியமான விஷயமாக இருக்கிறது! ஆனால் நீர் சொல்வதை உண்மை என்று ஒத்துக் கொள்ளத்தான் வேண்டும். இனிமேல் நானும் உணவை ரசித்து, ருசித்து சாப்பிடுவது என்று முடிவெடுத்து விட்டேன்”

இதுபற்றி மேலும் கவிஞர் சொன்ன விஷயங்கள் அடுத்த இடுகையில் தொடரும்

உடல் இளைக்க என்ன செய்ய வேண்டும்?

5 பிப்

உடல் இளைத்து சின்னப் பையன் போல் வந்த கவிஞர் கடிவேலுவைப் பார்த்து நாம் பிரமித்து நின்றோம் அல்லவா? காரணம் கேட்டதற்கு உடல் ஆரோக்கியத்தை மேம்படுத்த வேண்டி உடல் எடையைக் குறைத்ததாகச் சொன்னார். சரியான உடல் எடையைக் கணிப்பதற்கு ஒரு ஃபார்முலாவையும் சொன்னார். எப்படி அவருடைய உடல் எடையைக் குறைத்தார்? என்று ஆவலோடு கேட்டோம். அதை மீண்டும் ஞாபகப் படுத்திக் கொள்ள இங்கே சொடுக்கவும்.

“உடல் எடையைக் குறைக்க வேண்டும் என்று நீர் முடிவெடுத்து விட்டால், அதன் பிறகு நீர் பின்பற்ற வேண்டிய நடைமுறைகள் சில இருக்கிறன. அவற்றைத் தவறாமல் கடைப் பிடிக்க வேண்டும்” என்றார்.

“என்னென்ன நடைமுறைகள்?”

“சரிவிகித உணவுப் பழக்கம், உடற்பயிற்சி, நேர்மறை மனோபாவம், சரியான தூக்கம் ஆகியவை. சீரான ஆரோக்கியத்தை பாதுகாத்துக் கொள்ளவும் இவைதான் தேவை”

“சரிவிகித உணவுப் பழக்கம் என்றால் என்ன?”

“நாம் உண்ணும் உணவில் மாவுச்சத்துக்களும், புரதச்சத்துக்களும், விட்டமின் மற்றும் தாதுச்சத்துக்களும், மற்றும் நார்ச்சத்தும், கொழுப்புச் சத்தும் தேவையான விகித்த்தில் இருக்க வேண்டும். உடல் இளைக்க முயற்சி மேற்கொள்ளும் சமயங்களில் இந்த விகிதத்தோடு நாம் எடுத்துக் கொள்ளும் உணவில் உள்ள கலோரிகளையும் கணக்கில் எடுத்துக் கொள்ள வேண்டும்”.

“கலோரிகளை கணக்கில் எடுத்துக் கொள்வதென்றால் எப்படி?”

“அதாவது ஒருநாளைக்கு நாம் உண்ணும் உணவில் சராசரியாக 2500 இலிருந்து 3000 கலோரி வரை எடுத்துக் கொள்கிறோம். ஆனால் 2000 இலிருந்து 2500 கலோரி அளவே நமது தினசரி செயல்பாட்டுக்குப் போதுமானது. சிலருக்கு 1800 கலோரி அளவே போதுமானது. அந்த அளவு மட்டும் எடுத்து கொள்ளும் போது நமது எடை கூடவோ, குறையவோ செய்யாது அப்படியே இருக்கும்”

“அப்படியானால் உடல் எடையைக் குறைக்க நினைப்பவர்கள் 2000 கலோரியை விடவும் மிகக்குறைவாக உள்ள உணவையே எடுத்துக் கொள்ள வேண்டும். சரிதானே?”

“மிகவும் சரி. அப்படி குறைவான கலோரிகள் உள்ள உணவை எடுத்துக் கொள்ளும் போது, தினசரி செயல்பாட்டுக்குத் தேவையான கலோரிகளை, நமது உடலில் ஏற்கெனவே சேமித்து வைக்கப் பட்டுள்ள கொழுப்பிலிருந்து உடல் எடுத்துக் கொள்ளும்”

“அப்படி எடுத்துக் கொள்வதால் உடலில் பாதிப்பு ஏற்படாதா?”

“சரிவிகித உணவு முறையைப் பின்பற்றும் போது உடலில் அதிகப்படியான கொழுப்பு கரைக்கப் படுமே ஒழிய பாதிப்பு எதுவும் ஏற்படாது”

“சரி, நீர் சொல்வது போல கலோரி குறைவான உணவு வகைகளை எடுத்துக் கொண்டால் போதுமா? வேறு எதுவும் செய்ய வேண்டாமா?”

“அப்படியில்லை. தவறாமல் உடற்பயிற்சியும் செய்ய வேண்டும்”

“அப்படி உடற்பயிற்சியும் வேண்டும் என்றால், அதை அதிக நேரம் செய்யும் போது இன்னும் அதிக கலோரிகள் செலவாகி உடல் எடை அதிகம் குறையும் அல்லவா?”

“நீர் நினைப்பது போல்தான் நிறையப் பேர் நம்பிக் கொண்டிருக்கிறார்கள். ஆனால் ஒரு உண்மையைப் புரிந்து கொள்ள வேண்டும். நமது உடலில் உள்ள கொழுப்புச் சத்து குறைய வேண்டுமானால், கொஞ்சம் கொஞ்சமாகத்தான் அதைக் குறைக்க முயற்சி செய்ய வேண்டும். குறுகிய காலத்தில் எடையைக் குறைக்கிறேன் என்று தீவிர உடற்பயிற்சியில் ஈடுபட்டால் எடை குறையாது”

“தீவிர உடற்பயிற்சி செய்யும் போது அதிக கலோரி செலவாகும் அல்லவா? அப்படி அதிக கலோரி செலவானால் எடை குறையாதா?”

தீவிர உடற்பயிற்சியின் போது அதிக கலோரி செலவாகும் என்பது உண்மைதான். ஆனால் அதிகப்படியான மாவுச்சத்துதானே கொழுப்பாக நம் உடலில் சேர்த்து வைக்கப் படுகிறது. அப்படி ஏற்கெனவே சேமிக்கப்பட்ட கொழுப்பிலிருந்துதான் தீவிர உடற்பயிற்சியின் போது தேவைப்படும் கலோரியை உடல் எடுத்துக் கொள்கிறது. ஆனால் அதை ஈடுகட்டுவதற்காக நாம் ஏதாவது சாப்பிட வேண்டும் என்ற உணர்வு ஏற்படும். நாம்தான் உடற்பயிற்சி செய்கிறோமே அதனால் சாப்பிட்டால் ஒன்றும் ஆகாது என்ற நம்பிக்கையில் சாப்பிடுவோம். அப்போது உடற்பயிற்சியினால் செலவான கலோரி மறுபடி உடலில் சேர்ந்து விடும். இப்போது அது ஈடுகட்டப்பட்டு விடுவதால் எடை குறையும் வாய்ப்பு இல்லாமல் போய்விடுகிறது. அதனால் தீவிர உடற்பயிற்சியை விட எளிமையான உடற்பயிற்சியே சிறந்தது. ஆனால் அதை தவறாமல் செய்ய வேண்டும்

“இது மிகவும் உபயோகமான தகவல்தான்” என்றோம்.

“அதுமட்டுமல்ல. நேர்மறை மனோபாவமும் அவசியம். அதாவது நம்மால் எடை குறைக்க முடியும் என்ற ஆழமான நம்பிக்கை வேண்டும்”

“நம்பிக்கை இல்லாமலா, உடல் எடையைக் குறைக்க முயற்சிப்பார்கள்?”

“நம்பிக்கையுடன்தான் ஆரம்பிக்கிறார்கள். சிறிது காலம் முயற்சிப்பார்கள். ஆவலோடு, எடை குறைகிறதா என்று எடை மெஷினில் ஏறிப் பார்த்துக் கொள்வார்கள். அவர்கள் நினைத்தது போல் எடையில் வித்தியாசம் இல்லையென்றால் நம்பிக்கை குறைந்து விடும். உடனே வேறு வழியில் முயற்சி செய்ய ஆரம்பித்து விடுவார்கள்”

“அவர்களுடைய எதிர்பார்ப்பு பொய்க்கும்போது வேறு என்ன செய்ய முடியும்?”

“அதற்குத்தான் நேர்மறை மனோபாவம் அவசியம். எடை குறைவதற்கு ஒரு குறிப்பிட்ட காலம் தேவைப்படும் என்பதைப் புரிந்து கொண்டு அது வரை பொறுத்திருக்க வேண்டும். அவசரப்படக்கூடாது”

“சரிதான்! ‘நானும் எவ்வளவோ முறைகளை முயற்சி செய்து பார்த்து விட்டேன். ஆனால் உடல் எடை குறையவில்லை’ என்று சொல்பவர்களை நானும் பார்த்திருக்கிறேன்”

ஆமாம், உடல் எடையைக் குறைக்க ஒரு குறிப்பிட்ட கால அளவு கெடுவை குறிக்கோளாக வைத்துக் கொண்டு, அதற்காக முயற்சிக்க வேண்டும். உடல் எடையைக் குறைக்க முடியும் என்ற நம்பிக்கையுடன், குறைவான கலோரி உள்ள சரிவிகித உணவை எடுத்துக் கொண்டு, தவறாமல் உடற்பயிற்சியும் செய்து வந்தால் கொஞ்சம் கொஞ்சமாக உடல் எடை குறையும்

உடல் எடையைக் குறைக்கும் முறைகளைப் பற்றியும், சரி விகித உணவைப் பற்றியும் கவிஞர் சொன்ன விஷயங்கள் அடுத்த இடுகையில் தொடரும்.

கவிஞர் கடிவேலுவின் புதிய தோற்றம்!

2 பிப்

இன்று காலையில் கண்விழித்தவுடன் நமக்கு ஒரு இன்ப அதிச்சி காத்திருந்தது. கவிஞர் கடிவேலுவிடமிருந்து ஒரு SMS வந்திருந்தது. அதில் அவர், நம்மை ஆபீஸில் வந்து சந்திக்க இருப்பதாகக் குறிப்பிட்டிருந்தார். நமக்கு ஏற்பட்ட மகிழ்ச்சியால் சீக்கிரமே ரெடியாகி ஆபீசுக்குக் கிளம்பினோம். நாம் ஆபீசுக்கு சென்று அமர்ந்த பத்தாவது நிமிடத்தில் கவிஞர் அங்கே ஆஜரானார்.

கவிஞரை நேரில் பார்த்தவுடன் நாம் கொஞ்ச நேரம் அசைவற்று அப்படியே பிரமை பிடித்தாற்போல் நின்றுவிட்டோம். காரணம் கவிஞரின் உருவத்தில் ஏற்பட்டிருந்த மாற்றம்தான். கவியரசு கண்ணதாசன் போல் இரட்டை நாடி சரீரத்துடன் கம்பீரமாக இருந்த நம் கவிஞர் கடிவேலு இப்போது மிகவும் உடல் இளைத்து முகமெல்லாம் சப்பையாகி ஒரு சின்னப் பையனைப் போல் காணப்பட்டார். நம்முடைய திகைப்பைக் கண்டு கவிஞர் புன்முறுவல் செய்தார்..

என்ன கவிஞரே, என்ன இது கோலம்? உமது உடம்புக்கு என்ன ஆயிற்று?” என்றோம் பதட்டமாக. அதைக் கேட்டு கவிஞர் சிரித்தார்.

என் உடம்புக்கு ஒன்றுமில்லை. நல்ல ஆரோக்கியமாகத்தான் இருக்கிறேன்” என்றார்.

பிறகு உமது உருவத்தில் ஏன் இத்தகைய மாற்றம்? மிகவும் இளைத்து விட்டீரே!” என்றோம் ஆச்சரியமாக.

ஆமாம். என்னுடைய ஆரோக்கியத்தை மேம்படுத்திக் கொள்வதற்காக உடல் எடையை குறைக்க வேண்டிய தேவை ஏற்பட்டது. அதனால் உடல் எடையைக் குறைத்திருக்கிறேன்” என்றார் கவிஞர்.

“உடல் ஆரோக்கியத்தை மேம்படுத்துவதற்காக உடல் எடையைக் குறைத்தீரா? கொஞ்சம் விளக்கமாகச் சொல்லும்” என்றோம் ஆவலாக.

எந்த ஒரு மனிதனுக்கும் அவனுடைய ஆரோக்கியத்தில் குறைபாடு ஏற்படுவதற்கும், அதனால் நோய்கள் உருவாவதற்கும் அவனுடைய உடலின் அதிக எடை முக்கிய பங்கு வகிக்கிறது. அதாவது ஒருநாளைக்கு அவனுக்கு எவ்வளவு கலோரி தேவையோ அந்த அளவுக்கு மட்டுமே உணவு வகைகளை உட்கொள்ள வேண்டும். ஆனால் நாம் ருசிக்காகவோ, விழிப்புணர்வு இல்லாமலோ அதிகமான உணவை எடுத்துக் கொள்ளும்போது, அந்த அதிகப்படியான கலோரி கொழுப்பாக மாறி உடலில் சேர்ந்து விடுகிறது. அதனால் உடல் எடை அதிகமாகிறது” என்றார்.

நம்முடைய உடல் எடை சரியான் அளவில் இருக்கிறதா அல்லது அதிகப்படியாக இருக்கிறதா என்பதை எப்படித் தெரிந்து கொள்வது?” என்று கேட்டோம்.

அதற்கு ஒரு கணக்கியல் அளவீடு முறை இருக்கிறது. அதை BMI என்றூ சொல்வார்கள். அதாவது உங்கள் எடையை உங்கள் உயரத்தால் வகுக்கும் முறை” என்றார்.

அதை எப்படி கணக்கிடுவது? ஒரு உதாரணத்துடன் விளக்கவும்” என்றோம்.

உமது எடை எவ்வளவு?

85 கிலோ

“உமது உயரம் எவ்வளவு?”

ஐந்தடி ஐந்தங்குலம்

ஐந்தடி ஐந்தங்குலம் என்பது மீட்டரில் கணக்கிட்டால் 1.65 ஆகும்.

இதோ அந்த ஃபார்முலா

 BMI = உங்கள் எடை (கிலோ) / உங்கள் உயரம் x உயரம் (மீட்டர்)

இந்த ஃபார்முலாவின்படி

உம்முடைய BMI    =   8 5 / (1.65*1.65)    =        31.22

அதாவது நீர் மிக அதிகமான உடல் எடையுடன் இருக்கிறீர்” என்றார்.

நமக்கு மிகவும் அதிர்ச்சியாக இருந்தது. “எப்படி சொல்கிறீர்?” என்றோம்.

BMI என்பது 20 க்கு கீழே இருந்தால் உடல் எடை மிகவும் குறைவு

       20 இலிருந்து 25 வரை இருந்தால் சரியான அளவு

       25 இலிருந்து 30 வரை இருந்தால் அதிக எடை

       30 க்கு மேலிருந்தால் மிக அதிக எடை என்று சொல்லலாம்” என்றார்.

அப்படியானால் நான் எவ்வளவு எடை குறைக்க வேண்டும்?

குறைந்தபட்சம் உமது BMI எண் 25 ஆக இருக்க வேண்டும் என்றால் உமது எடை 68 கிலோவாக இருக்க வேண்டும். அதாவது இன்னும் 17 கிலோ நீர் எடை குறைய வேண்டும்” என்றார் கவிஞர்.

பதினேழு கிலோ குறைக்க வேண்டுமா? ஒரு வேளை சாப்பாட்டைக் குறைத்தால் அந்த எடை குறைந்து விடுமா?” என்று கேட்டோம்.

நீர் ஒரு வேளை சாப்பாட்டைக் குறைத்தால் அது உமது ஆரோக்கியத்துக்கே கேடாக முடியும். சாப்பாட்டைக் குறைத்தால் உமக்கு நிறையப் பிரச்சினைகள்தான் ஏற்படும்” என்றார்.

பிறகு எப்படித்தான் எடையைக் குறைப்பது? நீர் எப்படி உமது எடையைக் குறைத்தீர்?” என்றோம் ஆவலாக.

கவிஞர் சொன்ன விஷயங்கள் சுவாரசியமாக இருந்தாலும், மிகவும் நீளமாக இருப்பதால் அதனை அடுத்த இடுகையில் தொடர்கிறோம்.

டெங்கு நோயிலிருந்து மீண்ட இளைஞர்! ஓர் அதிசயம்!

19 டிசம்பர்

கவிஞர் கடிவேலுவுடன் கொஞ்ச நாள் முன்பு நாம் உரையாடிய விஷயங்களை கடந்த சில இடுகைகளில் சொல்லி வருகிறோமல்லவா? சென்ற இடுகையில் வியாபாரத்தில் விளம்பரம் செய்வது எவ்வளவு முக்கியமானது என்றும் நாமும் விளம்பரம் செய்வதின் மூலம் பணம் சம்பாதிக்கலாம் என்றும் சொல்லி இருந்தார். அதற்கு நீர்ப்பறவை படத்தில் வந்த ஒரு வசனத்தை உதாரணமாகச் சொல்லி, தான் கூட அதைப் பற்றி பேசியதன் மூலம் அந்தப் படத்திற்கு ஒரு விளம்பரம் செய்துவிட்டதாகச் சொல்லியிருந்தார். அதை மீண்டும் வாசிக்க இங்கே சொடுக்கவும் அதிகமாகப் பணம் சம்பாதிப்பது யார்?

நேற்று நாம் ஆபீஸில் இருந்த போது, திடீரென்று கவிஞரிடமிருந்து நமக்கு போன் வந்தது. தான் இன்னும் ஐந்து நிமிடத்தில் ஆபீசுக்கு வர இருப்பதாகச் சொன்னார். நமக்கு இன்ப அதிர்ச்சியாக இருந்தது. அவரை வரவேற்க காத்திருந்தோம். சொன்னபடி ஐந்து நிமிடத்தில் வந்து சேர்ந்தார் கவிஞர். வந்தவுடன், “நான் வந்தது உமக்கு ஒன்றும் தொந்திரவு இல்லையே?” என்றார்.

“தொந்திரவா? நீர் எப்போது வந்தாலும் முன்னுரிமை உமக்குத்தான். கவலை வேண்டாம்” என்றோம்.

“மிகவும் நன்றி!” என்றார். நாம் உடனே, “முக்கியமான விஷயமில்லாமல் நீர் இதுபோல் அவசரமாக வரமாட்டீரே, என்ன விஷயம்?” என்றோம்.

“சமீபத்தில் நம்மைப் பயமுறுத்துகிற நோய் டெங்குதானே. அதனால் பாதிக்கப்பட்டு இறப்பவர்களின் எண்ணிக்கையை அவ்வப்போது டிவி சேனல்களில் அறிவிப்பார்கள். இந்த நோய் எல்லோரையும் பயமுறுத்துவதற்குக் காரணம் அதற்கு சரியான மருந்து இன்னும் கண்டுபிடிக்கப் படவில்லை என்பதுதான்” என்று நேரடியாக விஷயத்தை ஆரம்பித்தார்.

“ஆமாம், நாமும் பார்த்திருக்கிறோம்” என்றோம்.

“அந்த நோயின் தன்மை முற்றி, தொடர்ந்து மருத்துவர்களால் கண்காணிக்கப்படும் நிலையில்தான் ஒருவர் மருத்துவமனையில் சேர்க்கப்படுவார்” என்றார். தொடர்ந்து,

“மருத்துவர்கள் ஆன்ட்டிபயோடிக் எனப்படும் மருந்துகளைக் கொடுத்து நோயின் தீவிரத்தைக் குறைக்க முயற்சி செய்து கொண்டேயிருப்பார்கள். ஆனாலும் பிலேட்ஸ் மற்றும் WBC எண்ணிக்கை குறைந்து கொண்டேயிருக்கும். நோய் தீர்க்கும் சரியான மருந்து இன்னும் கண்டுபிடிக்கப் படவில்லை என்பதால் அவர்களுக்கும் வேறு வழியில்லை. பிலேட்ஸ் எண்ணிக்கையை அதிகப் படுத்தினால்தான் நோய் குறையும். அதனால் இப்போதைக்கு அந்த நோயினால் ஏற்படும் உபாதைகளுக்கு மட்டும் மருந்து கொடுக்க முடியும். ஒரு குறிப்பிட்ட அளவில் நோயின் தன்மை முற்றி விட்டால் நோய் எதிர்ப்பு சக்தி முற்றிலுமாக குறைந்து ஒரு கட்டத்தில் அது நோயாளியின் உயிரைக் காவு வாங்கிவிடும்” என்றார்.

நாம் கவனமாக கேட்டுக் கொண்டிருந்தோம். பிறகு கவிஞர், “டெங்கு நோயின் அறிகுறிகள் என்னென்ன தெரியுமா?” என்று நம்மிடம் கேட்டார்.

திடீரென்று டெங்குவைப் பற்றி ஏன் பேசுகிறார் என்று நமக்குப் புரியவில்லை. அதனால், “நீரே சொல்லும்; டெங்குவின் அறிகுறிகள் என்ன?” என்று பதிலுக்கு நாம் ஒரு கேள்வியைக் கேட்டோம்.

அதற்கு தன்னுடைய மொபைல் போனில் ஒரு பட்டனைத்தட்டி அதனைக் கேட்கச் சொன்னார். அதில் ஹரிகாந்த் என்ற பெயருடைய ஒருவர் டெங்கு நோயின் அறிகுறிகளைப் பற்றி பேசினார். அந்த ஒலி உரையைக் கேட்க கீழே உள்ள பிளேயரில் சிவப்பு பட்டனை சொடுக்கவும்.

கேட்டு முடித்ததும், “நமக்குத் தெளிவாகப் புரிகிறது. அவர் சொல்வதைப் பார்த்தால் அந்த நோயைக் குணப்படுத்துவது மிகவும் கடினம் என்று தோன்றுகிறதே” என்றோம்.

“ஆமாம், இதில் பேசியிருப்பவர் மருத்துவத்துறையில் இருப்பவர்தான். அவர் கூறும் சில சொற்கள் (பிலேட்ஸ், WBC  போன்றவை) நமக்குப் புரியவில்லை என்றாலும் அந்த உரையின் மூலம் நாம் தெரிந்து கொள்ளும் விஷயம்தான் முக்கியமானது” என்றார்.

“அப்படியென்றால் டெங்கு நோய் வந்தால் பிழைப்பது கடினம்தானா? அதிலிருந்து மீளவும், டெங்கு நோய் தாக்காமல் காத்துக் கொள்ளவும் வேறு வழியில்லையா?” என்றோம்.

“மிகவும் கடுமையான நோய்தான் அது. ஆனாலும் ஆங்காங்கே ஒரு சில அதிசயங்களும் நடந்து கொண்டுதான் இருக்கின்றன. இந்த நோயின் பாதிப்பில் அவஸ்தைப்பட்டு உயிர் பிழைத்து வந்த ஒருவர் பேசியதையும் கேட்டேன். மிகவும் ஆச்சரியமாக இருந்தது” என்றார்.

“அப்படியா? அது ஒரு அதிசய நிகழ்வாகத்தான் இருக்க முடியும்” என்றோம்.

உடனே கவிஞர் கடிவேலு அதைப் பற்றி விவரித்தார். அதைக் கேட்ட நமக்கு முதலில் நம்ப முடியவில்லை. பிறகு டெங்கு நோயிலிருந்து மீண்டு வந்த அந்த இளைஞரின் பேச்சை நமக்கு போட்டுக் காண்பித்தார். டெங்கு நோயினால் பாதிக்கப் பட்டு மிகவும் சீரியஸான நிலையில் மருத்துவமனையில் சேர்க்கப்பட்ட அந்த இளைஞர் எப்படி உயிர் பிழைத்து வந்தார் என்பதைக் அந்த இளைஞரே சொன்னதைக் கேட்டபோது மிகவும் ஆச்சரியமாக இருந்தது.

அந்த இளைஞர் பேசிய ஒலி உரையைக் கேட்க கீழே உள்ள பிளேயரில் சிவப்பு பட்டனை சொடுக்கவும்.

அந்த ஒலி உரையைக் கேட்டு முடித்ததும் நாம் கவிஞரைப் பார்த்தோம்.

“இதுதான் நான் சிபாரிசு செய்யும் “நியூட்ரிலைட் துணை உணவுகளின் (Nutrilite Food Supplements) மகத்துவம்” என்றார். அடுத்த சில நிமிடங்களில் “இன்னொரு நாள் வருகிறேன்” என்று சொல்லி விட்டு அவசரமாகக் கிளம்பி விட்டார்.

ஆமாம்! நம்பிக்கைதான் வாழ்க்கை! – பகுதி 3

3 செப்

சென்ற இடுகையில் உடலில் எப்படி சக்தி கிடைக்கிறது என்பது பற்றியும், உடலில் வளர்சிதை மாற்றம் ஏற்படும்போது, ஃப்ரீ ராடிக்கல்ஸ் என்ற குறைபாடுள்ள அணுக்கள் உருவாவது பற்றியும், அவை ஆபத்தானவை என்றும், அவற்றை சரி செய்ய வைட்டமின் C யும், வைட்டமின் E யும் அவசியம் தேவை என்றும் கவிஞர் கடிவேலு சொன்னாரல்லவா? மறுபடியும் ஞாபகப்படுத்திக் கொள்ள இங்கே சொடுக்கவும்.

“ஃப்ரீ ராடிக்கல்ஸை சரி செய்ய வைட்டமின் C யும், வைட்டமின் E யும் அவசியம் தேவை என்று சொன்னீர். அதன் மூலமாகவே நோயின் தாக்கத்திலிருந்து விடுபட்டு விட முடியுமா?” என்று கேட்டேன்.

“வைட்டமின் C யும், E யும் (Antioxidants என்று சொல்வார்கள்) மட்டுமல்ல, நோயின் காரணமாக நோயாளியின் பெரும்பாலான செல்கள் சிதைந்திருக்கும்; பாதிப்படைந்திருக்கும் அந்த செல்கள் சரியாவதற்கு புரதம் தேவை. புது செல்கள் உருவாவதற்கும் இன்னும் பல வகையான செயல்பாடுகளுக்கும் புரதம் அவசியம் தேவை. அத்தோடு இன்னும் சில B வகை வைட்டமின்களும், இரும்பு, மக்னீஷியம் போன்ற தாதுச் சத்துக்களும் தேவை. அதனால் புரதமும், பதிமூன்று வைட்டமின்களும், பதினோரு வகை தாதுச் சத்துக்களும் அடங்கிய துணை உணவும் சேர்த்துக் கொடுத்தேன்” என்றார் கவிஞர் கடிவேலு.

“உண்மையில் மிகவும் உபயோகமான தகவல்தான். இது நோயாளிகள் மட்டுமே சாப்பிட வேண்டுமா? அல்லது எல்லோரும் சாப்பிடலாமா?” என்று கேட்டேன்.

“நல்ல ஆரோக்கியமாக உடலை வைத்துக் கொள்ள வேண்டும் என்று நினைப்பவர்களும், நோயிலிருந்து பாதுகாத்துக் கொள்ள வேண்டும் என்று எண்ணுபவர்களும் இவற்றை எடுத்துக் கொள்ளலாம். அவ்வாறு செய்யும்போது பெரும்பான்மையான நோய்கள் நம்மைத் தாக்காமல் பாதுகாத்துக் கொள்ளலாம்” என்றார்.

அத்துடன் தொடர்ந்து, “புற்று நோயைத் தடுப்பதில் கிரீன் டீ (Green Tea) யும் ஒரு முக்கிய பங்கு வகிக்கிறது” என்றார்.

“அப்படியா? அதைப்பற்றிக் கொஞ்சம் சொல்லும். தெரிந்து கொள்கிறோம்” என்றேன்.

“கிரீன் டீ பல வகைகளில் நன்மை புரிகிறது. ஃப்ரீ ராடிக்கல்ஸ் உருவாகாமல் தடுக்கிறது. வயதான தோற்றத்தைக் கொடுப்பதும் இந்த ஃப்ரீ ராடிக்கல்ஸ் தான். எனவே கிரீன் டீயை நாம் சேர்த்துக் கொள்ளும்போது இளமைத் தோற்றம் பாதுகாக்கப் படுகிறது. அத்துடன் கொலஸ்ட்ராலை குறைப்பதிலும், இரத்த அழுத்தத்தை சீர் செய்வதிலும் உடல் எடையைக் குறைப்பதிலும் கிரீன் டீ முக்கிய பங்கு வகிக்கிறது” என்றார்.

“பரவாயில்லையே, அதிகமான உடல் எடைதானே பல நோய்களுக்குக் காரணம்” என்றோம்.

“ஆமாம். நான் சிபாரிசு செய்யும் நியூட்ரிலைட் கம்பெனியில் கிரீன் டீ கலந்த புரதமும் (Protein with Green Tea) ஒரு துணை உணவாகக் கிடைக்கிறது. இதனால் எற்படும் பயன்கள் மிக அதிகம்” என்றார்.

“இதெல்லாம் மருந்துக் கடையில் கிடைக்குமா? இல்லையென்றால் வேறு எங்கு கிடைக்கும்?” என்றோம்.

“மருந்துக் கடையில் பெரும்பாலும் இரசாயணங்களினால் ஆன மருந்துகள் மட்டுமே கிடைக்கும். ஒரு சில இடங்களில் துணை உணவுகளும் கிடைக்கலாம். ஆனால் அவை நல்ல தரமான துணை உணவுகள்தானா? என்று தெரிந்து கொள்ள வேண்டும். ஏனென்றால் பெரும்பாலான துணை உணவுகள்கூட செயற்கையான இரசாயணங்களினால் உற்பத்தி செய்யப் படுகிறது. ஆனால் நான் சிபாரிசு செய்வது நியூட்ரிலைட் (Nutrilite) எனப்படும் 75 வருடங்களுக்கு மேலான பாரம்பரியமும், நல்ல அனுபவமும், தரமும் உள்ள கம்பெனியின் தயாரிப்புக்கள்தான். இவை என்னைப் போன்ற வினியோகஸ்தர்களிடம் கிடைக்கும்” என்றார்.

“அப்படி என்ன அதில் தனித்தன்மை உள்ளது?” என்று கேட்டேன்.

“அந்தக் கம்பெனியின் அனுபவம் முக்கியமானது. நூற்றுக்கணக்கான விஞ்ஞானிகள் தொடர்ந்து ஆராய்ச்சியில் ஈடுபட்டு, பல கட்டங்களாக சோதனை செய்து, ஒவ்வொரு தயாரிப்பும் வெளி வருகிறது. அத்துடன் தங்கள் சொந்த நிலத்தில் தாவரங்களை விளைவித்து, அதிலிருந்து நவீன கருவிகளைக் கொண்டு சுகாதாரமான முறையில், தாவர உயிர்ச்சத்துக்களின் சேதாரமின்றி அறுவடை செய்து, தரமான முறையில் துணை உணவுகளை உற்பத்தி செய்கிறார்கள். பயிர் செய்வதிலிருந்து அறுவடை வரை எந்தவித செயற்கையான இரசாயண உரங்களோ, பூச்சிக் கொல்லிகளோ பயன்படுத்தப் படுவதில்லை. ஆகவே அவை மிகவும் தரமானவையாக இருக்கின்றன” என்றார். கேட்பதற்கு மிகவும் ஆச்சரியமாக இருந்தது.

“இதெல்லாம் கேட்பதற்கு நன்றாக இருக்கிறது. ஆனால் அதெல்லாம் உண்மைதான் என்று எப்படி நம்புவது?” என்றோம். நாம் கேட்டது நியாயம்தானே? ஒவ்வொருவரும் தங்களுடைய தயாரிப்புகளைப் பற்றி பெருமையாகத்தானே சொல்வார்கள்.

“நீர் இப்படி கேட்பீர் என்று எனக்குத் தெரியும். நம்பிக்கைதான் வாழ்க்கை” என்றார்.

“அப்படிப் பார்த்தால் எல்லோரையும்தான் நம்ப வேண்டி வரும். நம்பினால்தான் வாழ்க்கை என்றால், எல்லோரும் நல்லவர்கள் என்று சொல்லிவிட முடியுமா? நல்லவர்களை நம்பினால் கெடுதல் இல்லை. ஆனால் கெட்டவர்களை நம்பினால் மோசமாக அல்லவா போய்விடும்?” என்றேன்.

“நல்லவர்கள் யார், நல்லவர்கள் போல் நடிப்பவர்கள் யார் என்று தரம் பிரித்து பார்க்க கற்றுக் கொள்ள வேண்டும். இல்லாவிட்டால் கெட்டவர்களை நம்பி மோசம் போகவும் வாய்ப்பிருக்கிறது. உண்மையாய் இருப்பவர்களுக்கும், உண்மை போல் நடிப்பவர்களுக்கும் உள்ள வித்தியாசத்தை புரிந்து கொள்ள வேண்டும். அதற்குத்தான் ஆண்டவன் நமக்கு சிந்திக்கும் அறிவைக் கொடுத்திருக்கிறான். அது பற்றி நான் எழுதிய இந்தக் கவிதையைப் படித்துப் பாரும்” என்று சொல்லிவிட்டுக் கிளம்ப ஆயத்தமானார் கவிஞர்.

“கவிஞரே, நேரத்தைப் பல மடங்காக பெருக்குவது எப்படி? என்பதைப் பற்றி இன்னும் சொல்லவே இல்லையே! அதற்குத்தானே இவ்வளவு நாட்களாகக் காத்திருக்கிறோம்” என்றேன்.

“மறக்கவில்லை. கட்டாயம் சொல்கிறேன். நாளை வரை பொறுத்திடுக” என்று சொல்லிவிட்டு கிளம்பிவிட்டார். நமக்கு கொஞ்சம் ஏமாற்றமாக இருந்தாலும், கவிஞர் விளக்கிய ஃப்ரீ ராடிக்கல்ஸ், புற்று நோய் மற்றும் உடல் எடை குறைப்பு பற்றிய விஷயங்களே இன்று நமக்கு போதுமானதாக இருந்ததால், நாளை வரை காத்திருப்பதை நாம் பெரிதாக நினைக்கவில்லை.

அத்தோடு கவிதை ஒன்றையும் கொடுத்திருக்கிறார் அல்லவா? அதையாவது படிக்கலாம் என்று பிரித்தேன். அதைப் படித்துப் பார்த்தபோது நெற்றிப் பொட்டில் அடித்த மாதிரி சில விஷயங்களைச் சொல்லியிருந்தார் கவிஞர். அது நாம் கேட்ட கேள்விக்கான பதிலாக மட்டுமில்லாமல் குடும்ப வாழ்க்கைக்கும், சமுதாய வாழ்க்கைக்கும், நட்புக்கும் ஏன் வியாபாரத்திற்கும் கூட மிகவும் அவசியமான ஒரு கருத்து என்பது புரிந்தது. கவிதையைப் படித்த பின் கவிஞர் மீதும் நமக்கு நம்பிக்கை வந்தது.

இந்த இடுகையும் நீளம் அதிகமானதால், அந்தக் கவிதை அடுத்த இடுகையில் இடம்பெறும்!

தங்களது கருத்துக்களை, இதில் கூறப்பட்டுள்ள கருத்துக்களில் இருந்து மாறுபட்ட கருத்தாக இருந்தாலும் சரி, பின்னூட்டத்தில் தெரிவிக்கவும். அவற்றை கவனத்தில் கொண்டு சரியான கருத்துக்களை ஏற்று பதிவேற்றுவதில் மகிழ்ச்சியடைவோம்.

ஆமாம்! நம்பிக்கைதான் வாழ்க்கை! – பகுதி 2

1 செப்

புற்று நோய் வந்த ஒருவரை தான் பார்க்கப் போனதாகவும், தன்னுடன் ரவிக்குமார் என்ற நண்பர் ஒருவரையும் அழைத்துப் போனதாகவும், ரவிக்குமார் தன் கதையை அந்த நோயாளி நண்பரிடம் சொன்னதாகவும் கவிஞர் கடிவேலு சொன்னதைக் கேட்டு மிகவும் பிரமிப்பாக இருந்தது என்று சொன்னேன் அல்லவா? புதிதாக வந்தவர்கள் முந்தின இடுகையை படிக்க இங்கே சொடுக்கவும். ஆமாம்! நம்பிக்கைதான் வாழ்க்கை!

கொஞ்ச நேரம் மௌனமாக இருந்தேன். அவர் சொன்ன விஷயங்களை ஜீரணம் செய்வதற்கு நமக்கு கொஞ்சம் அவகாசம் தேவைப்பட்டது. சிறிது ஆசுவாசப் படுத்திக் கொண்டு கவிஞரைப் பார்த்தேன். ஏதோ யோசனையில் இருந்தார். அவருடைய கவனத்தைக் கவரும் விதமாக, “கவிஞரே, புற்று நோயே சரியாகும் அளவுக்கு, அது என்ன துணை உணவு. அதைப் பற்றி கொஞ்சம் விபரமாகச் சொல்லும்?” என்று கேட்டேன்.

“அதைப் பற்றிச் சொல்வதற்கு முன்னால் ஒரு விஷயம். கோடிக்கணக்கான செல்களால் ஆனதுதான் நம் உடம்பு என்பது உமக்குத் தெரியுமா?” என்று கேட்டார் நம்மைப் பார்த்து.

“ஆமாம். அது தெரிந்த விஷயம்தானே?” என்றேன். நமது பதிலை ஆமோதித்தவர் போல தொடர்ந்து, “நமது உடம்பில் ஒவ்வொரு நொடிக்கும் கோடிக்கணக்கான செல்கள் இறக்கின்றன. மறுபடி கோடிக்கணக்கான செல்கள் பிறக்கின்றன. உள்ளே ஒரு பெரிய தொழிற்சாலை போல் வேலை நடந்து கொண்டிருக்கிறது” என்றார் கவிஞர்.

“ஆமாம், பிறர் சொல்லிக் கேள்விப்பட்டிருக்கிறேன்” என்றேன்.

“நமக்கு உடலில் எப்படி சக்தி கிடைக்கிறது தெரியுமா?” என்று இன்னொரு கேள்வியைக் கேட்டார்.

“நாம் சாப்பிடும் உணவிலிருந்துதான் சக்தி கிடைக்கிறது” என்றேன். நமக்கும் கொஞ்சம் விஷயம் தெரியும் என்று காட்டிக்கொள்ள வேண்டாமா?

“சரி, அந்த உணவு எப்படி சக்தியாக மாறுகிறது?” என்று கேட்டார். “சொன்னால் தெரிந்து கொள்கிறேன்” என்றேன். தெரியாது என்பதை வேறு எப்படி சாமர்த்தியமாக சொல்வது?

“அது கொஞ்சம் டெக்னிக்கலான விஷயம். அதை ரொம்பவும் விலாவாரியாகச் சொன்னால் போரடிக்கவும் செய்யலாம். அதனால் நான் புரிந்து கொண்ட விஷயத்தை சிம்பிளாகச் சொல்ல முயற்சி செய்கிறேன்” என்று பெரிய பீடிகை போட்டார்.

“எதுவானாலும் சொல்லும் கேட்டுக் கொள்கிறோம்” என்றேன்.

“நாம் உண்ணும் உணவு சக்தியாக மாறுவதற்கு, நம் உடம்பின் உள்ளே ஒவ்வொரு செல்லிலும் ஒரு வேலை நடைபெறுகிறது. அதற்குத் தேவையான ஆக்ஸிஜனை இரத்தமும், குளுக்கோஸை இன்சுலீனும் கொண்டு போய் சேர்க்கின்றன. அந்த வேலை நடைபெற்று சக்தியாக மாறும்போது, சில தேவையில்லாத பொருட்களும் உருவாகின்றன. அதை ஃப்ரீ ராடிகல்ஸ் (Free Radicals) என்று சொல்வார்கள். இவை மிகவும் ஆபத்தானவை” என்று நிறுத்தினார்.

“ஆபத்தானவையா, எப்படி?” என்று கேட்டேன்.

“ஒவ்வொரு செல்லிலும் அணுவின் மூலக்கூறுகள் உள்ளன அல்லவா? எல்லா அணுவிலும் ஒரு குறிப்பிட்ட அளவில் எலக்ட்ரான், புரோட்டான், நியூட்ரான் ஆகியவை இருக்கும். ஆனால் இந்த ஃப்ரீ ராடிகல்ஸ் என்பது ஒரு குறைபாடுள்ள அணு. ஆக்ஸிஜன் அணுவை எடுத்துக் கொண்டால் எட்டு எலக்ட்ரான், எட்டு புரோட்டான், எட்டு நியூட்ரான் இருக்கும். ஒரு ஆக்ஸிஜன் மூலக்கூறு என்பது இரண்டு ஆக்ஸிஜன் அணுக்கள் சேர்ந்தது. அதில் இரண்டு எலக்ட்ரான்கள் பொதுவானதாக இருக்கும். அதாவது மொத்தமே பதினான்கு எலக்ட்ரான்கள் இருக்கும். இதைத்தான் O2 என்று சொல்கிறோம்” என்றார் விளக்கமாக்.

நமக்கு கொஞ்சம் தலை சுற்றியது. இருந்தாலும் ஆர்வமாக கவனித்தோம். “உடலில் வளர்சிதை மாற்றம் நடைபெறும் போது இந்த ஆக்ஸிஜன் அணுக்கள் சிலவற்றில் ஒரு எலக்ட்ரான் தவறி, குறைபாடு உள்ளதாக ஆகிவிடும். இதைத்தான் ரியாக்டிவ் ஃப்ரீ ராடிகல்ஸ் என்று சொல்கிறார்கள். இது நம் உடலில் சுற்றிக் கொண்டிருக்கும்போது, தனக்குத் தேவையான இன்னொரு எலக்ட்ரானை எங்காவது ஒரு செல்லிருந்து தன்னோடு சேர்த்துக் கொள்ள முயற்சித்துக் கொண்டே இருக்கும்” என்றார்.

சில விஷயங்கள் நாம் அறியாததாகவும், புரிந்து கொள்ள முடியாததாகவும் இருந்தது. இருந்தாலும் தெரிந்து கொள்வதில் ஒரு ஆர்வம் இருந்ததால், “அதனால் என்ன கெடுதல்?” என்று கேட்டோம்.

“அவ்வாறு எந்த இடத்தில் இன்னொரு எலக்ட்ரானை தன்னோடு சேர்த்துக் கொள்கிறதோ, அந்த செல்லில் உள்ள ஒரு அணு குறைபாடுள்ளதாக அதாவது ஃப்ரீ ராடிகல்ஸ் ஆக மாறிவிடும். பிறகு அது வேறு எங்காவது இன்னொரு எலக்ட்ரானை எடுக்கும். இப்படி தொடர்ந்து நடந்து கொண்டே இருக்கும். இது போல் பல ஃப்ரீ ராடிகல்ஸ் நம் உடலில்உருவானால் என்ன ஆகும்?” என்றார்.

“என்ன ஆகும்?” என்று திருப்பிக் கேட்டோம். நமக்கு அதுபற்றி தெரியாததால்!

“இது போய் நமது DNA வையே சிதைத்து விடும். அதனால் நமக்கு நோய்கள், குறிப்பாக புற்று நோய் ஏற்படவும், அது வளர்ச்சியடையவும் வாய்ப்பிருக்கிறது. புற்று நோய்க்கு பல காரணங்கள் இருந்தாலும் இதுவும் ஒரு முக்கிய காரணம்” என்றார். எதைப்பற்றி பேசுகிறார் என்று இப்போது நமக்கு ஓரளவு புரிந்தது. புற்றுநோய் ஏன் ஏற்படுகிறது என்பதைப் பற்றி நமக்கு விளக்குகிறார்.

“அது சரி, நாம் சாப்பிடுவதும், அது சக்தியாக மாறுவதும் இயல்பாக நடைபெறுவதுதானே! அதில் இதுபோல் ஃப்ரீ ராடிகல்ஸ் உருவாகிறது என்றால், எல்லோருக்குமல்லவா நோய் வர வேண்டும்?” என்றேன்.

“நல்ல கேள்வி” என்று பாராட்டினார். பிறகு அவரே தொடர்ந்து, “நமது உடலிலேயே இயற்கையாகவே இந்த ஃப்ரீ ராடிகல்ஸை அழிப்பதற்கு வழி இருக்கிறது. அதுவும் தானாகவே நடந்து கொண்டுதான் இருக்கிறது. ஆனால் புகை பிடிப்பது, வெளியில் உள்ள சுகாதாரமற்ற சுற்றுச்சூழல், சூரிய வெப்பம், நமது உணவுப் பழக்கம் போன்ற வேறுசில காரணங்களாலும் இந்த ஃப்ரீ ராடிகல்ஸ் உருவாவது அதிகமாகிறது. அப்போது அதை அழிப்பதற்கு உடம்பில் சக்தி இருக்காது அல்லவா?” என்றார்.

“இப்போது புரிகிறது. சரி, இந்த நிலமையை எப்படி சரி செய்வது?” என்றோம் ஆர்வமாக.

“நமது உணவில் போதுமான அளவில் வைட்டமின்கள் இருந்தால், இந்த ஃப்ரீ ராடிகல்ஸ் எண்ணிக்கை குறையும். அதிலும் குறிப்பாக வைட்டமின் C யும், வைட்டமின் E யும் அவசியம் தேவை. அவை தன்னிடம் மிகுதியாக உள்ள எலக்ட்ரானை அந்த ஃப்ரீ ராடிகல்ஸ்க்கு அளிக்கிறது. அதனால் அது முழுமையான அணுவாக மாறுகிறது. அந்த வகையில் அதனால் வரக்கூடிய நோயிலிருந்து நம்மைக் காப்பாற்றுகிறது. வைட்டமின் C யைப் பற்றி ஏற்கெனவே எது விலை அதிகம்? எது விலை குறைவு? இடுகையில் சொல்லியிருக்கிறேன்” என்றார்.

“சரிதான். அவருக்கு வைட்டமின் C யும், வைட்டமின் E யும் உள்ள துணை உணவுகளைக் கொடுத்தீராக்கும்?” என்றோம். “பரவாயில்லையே, டக்கென்று புரிந்து கொண்டு விட்டீரே!” என்றார்.

“அந்த நண்பருக்கு நம்பிக்கை உண்டானதா?” என்று கேட்டேன்.

“ஆமாம், நம்பிக்கைதானே வாழ்க்கை!” என்றார் கவிஞர்.

மன்னிக்கவும். இந்த இடுகையும் நீளமானதாக ஆகிவிட்டது. மீதியை அடுத்த இடுகையில் தொடர்கிறேன்.

தங்களது கருத்துக்களை, இதில் கூறப்பட்டுள்ள கருத்துக்களில் இருந்து மாறுபட்ட கருத்தாக இருந்தாலும் சரி, பின்னூட்டத்தில் தெரிவிக்கவும். அவற்றை கவனத்தில் கொண்டு சரியான கருத்துக்களை ஏற்று பதிவேற்றுவதில் மகிழ்ச்சியடைவோம்.

ஆமாம்! நம்பிக்கைதான் வாழ்க்கை!

30 ஆக

மறுநாள் எப்போது வரும் காத்திருந்து, அன்று காலை சீக்கிரமே ஆபீஸுக்குப் போய் விட்டேன். காலையில் வருகிறேன் என்று சொல்லியிருக்கிறாரே, சீக்கிரம் வந்தால் நன்றாக இருக்குமே என்று காத்திருந்ததால் கொஞ்சம் டென்சனாகவே இருந்தது. நாம் எதிர்பார்த்தபடியே கவிஞர் கடிவேலு 9.00 மணிக்கே வந்து விட்டார். உற்சாகமாக அவரை வரவேற்று, “சீக்கிரமே வந்து விட்டீரே, காலையில் சாப்பிட்டீரா?” என்று அக்கறையாக விசாரித்தோம். “டிபன் சாப்பிட்டு விட்டுத்தான் வந்தேன்” என்றார்.

“சொல்லுங்கள், நேரத்தை பல மடங்காக பெருக்குவது எப்படி? என்பது பற்றி பேசிக்கொண்டிருந்தீர். அப்போது போன் வந்தது; திடீரென்று கிளம்பிப் போய் விட்டீர். அப்புறம் வரவேயில்லையே, என்ன விஷயம்?” என்று பேச்சை ஆரம்பித்தேன்.

“எனது நண்பர் ஒருவர் கார்த்திக் என்று பெயர். அவர்தான் என்னை அழைத்தார். அவருடைய உறவினர் ஒருவருக்கு புற்றுநோயாம். டாக்டரிடம் ட்ரீட்மென்ட் எல்லாம் எடுத்திருக்கிறார்கள். ஆனால் நோய் ரொம்பவும் முற்றி விட்டதால் இனிமேல் ஒன்றும் செய்ய முடியாது என்று டாக்டர்கள் கை விரித்து விட்டார்களாம். அவருடைய வாழ்நாள் இன்னும் அதிகபட்சம் நாற்பது நாள்தான் என்று சொல்லி விட்டார்களாம்” என்றார். கேட்டவுடன் நமக்கு அதிர்ச்சியாக இருந்தது.

“அய்யய்யோ! அப்புறம்” என்றோம், பதற்றமாக.

“அவருக்கு இரண்டு குழந்தைகள். இனிமேல் எப்படி வாழப்போகிறோம் என்று அழுது புலம்பி, அவரும், அவருடைய மனைவியும் குடும்பத்தோடு வாழ்க்கையை முடித்துக் கொள்ள துணிந்து விட்டனர். அது எப்படியோ நண்பருக்குத் தெரிந்து விட்டது. மிகவும் வேதனைப்பட்டிருக்கிறார். ஏதாவது செய்ய வேண்டுமென்று அந்த நண்பர்தான் என்னை அழைத்தார்” என்றார்.

“நீர் போய் என்ன செய்ய முடியும்? டாக்டர்களே கைவிட்ட பிறகு” என்று கேட்டேன்.

“அவர்களுக்கு ஒரு நம்பிக்கை கொடுக்கத்தான் நான் சென்றிருந்தேன்” என்றார்.

“நம்பிக்கை கொடுக்கவா? எப்படி நம்பிக்கை கொடுப்பீர்? நீர் என்ன அவர்களுக்கு உறவா?” என்றோம் ஆச்சரியமாக.

“நம்பிக்கை கொடுக்க நல்ல மனது இருந்தால் போதும். உறவினராகவோ, வேறு எவராகவோ இருக்க வேண்டியதில்லை” என்றவர் தொடர்ந்து, “உதாரணமாக, ஒருவருக்கு மாரடைப்பு வந்து ஆஸ்பத்திரியில் சேர்த்திருக்கிறார்கள் என்று வைத்துக் கொள்வோம். அங்கு போன ஒருவர் ‘மாமா இந்த ஆஸ்பத்திரியில் ஏன் சேர்ந்தீர்கள்? இங்கு வந்தவர்கள் யாரும் உயிரோடு திரும்பியதில்லையே’ என்று நோயாளிடம் கூறினால் அவருக்கு எப்படியிருக்கும்? அப்படிப்பட்ட உறவினர்கள் போய் பார்க்க வேண்டிய அவசியமே இல்லையே. ஆனால் நல்ல வார்த்தை பேசுபவர்கள் யார் வேண்டுமானாலும் சென்று பார்த்து, நோயாளிக்கு ஆறுதலாகப் பேசலாம். ஒரு நம்பிக்கையை கொடுக்கலாம் அல்லவா?” என்று கேட்டார்.

நமக்கு ஒத்துக் கொள்வதைத் தவிர வேறு வழியில்லை. சரிதான் என்று ஆமோதித்தோம். கவிஞர் கடிவேலுவே தொடர்ந்தார்.

“அது மட்டுமில்லாமல், இதே போல் டாக்டர்கள் கைவிட்ட ரவிக்குமார் என்ற ஒரு நண்பரை எனக்குத் தெரியும். அவருக்கும் இதுபோல் வாழ்நாள் இவ்வளவுதான் என்று தேதி குறித்து விட்டார்கள். என்ன செய்வது என்று தெரியாமல் தவித்து, பிறகு நம்பிக்கையுடன் ஒரு சில துணை உணவுகளை எடுத்துக் கொண்டபின் நோயின் வீரியம் குறைந்து, இப்போது நன்றாக இருக்கிறார். அவரைத்தான் வரவழைத்து, என்னுடன் கூட்டிக்கொண்டு போய் பேச வைத்தேன்” என்றார்.

அவர் சொன்ன விஷயங்கள் நமக்கு மிகவும் ஆச்சரியத்தை ஏற்படுத்தியது. டாக்டர்களே கைவிட்ட ஒரு நோயாளி இப்போது நன்றாக இருக்கிறார் என்று சொல்கிறாரே! “இப்படியெல்லாம் கூட நடக்குமா? நம்பமுடியவில்லையே!” என்று கேட்டேன்.

“ஆனால் அதுதான் உண்மை. இது போல் நம்ப முடியாத பல விஷயங்கள் நடந்து கொண்டுதான் இருக்கிறது.” என்றார். மேலும் விபரங்களைத் தெரிந்து கொள்வதற்காக, “அப்புறம் என்ன நடந்தது?” என்று ஆர்வத்துடன் கேட்டேன்.

“நோயிலிருந்து மீண்டு வந்த நண்பர் ரவிக்குமார் அவரிடம் சொன்னார். ‘நம்பிக்கை இழக்காதீர்கள். நீங்கள் நிச்சயமாக குணமடைய முடியும். அதற்கு நானே உதாரணமாக இருக்கிறேன். எனக்கு 30 நாட்கள் தான் வாழ்க்கை என்று டைம் குறித்துக் கொடுத்தார்கள் மருத்துவர்கள். நானும் உங்களை மாதிரியேதான் முடிவெடுத்தேன். அன்று இரவு எல்லோரும் வாழ்க்கையை முடித்துக் கொள்ளலாம் என்று இருந்தோம். எல்லா நம்பிக்கையையும் இழந்து விட்டோம்.

அதற்கான ஏற்பாடுகளை செய்வதற்காக (சொல்லவே கூசுகிறது, விஷம் வாங்கத்தான்) நான் மருந்து கடைக்கு போனேன். அப்போது கடவுள் அனுப்பிய தூதுவர் போல என்னுடைய பால்ய சிநேகிதர் ஒருவரை அங்கு சந்தித்தேன். அவர் என்னுடைய நிலைமையை எப்படியோ புரிந்துகொண்டு விட்டார். பின்பு என்னோடு வீட்டுக்கு வந்து, எல்லோரையும் சமாதானப் படுத்தினார். பிறகு, கடவுள் மேல் பாரத்தைப் போட்டு விட்டு கடைசி முயற்சியாக இதைச் சாப்பிட்டுப் பாருங்கள் என்று சில துணை உணவுகளைக் கொடுத்தார். முதலில் எங்களுக்கு அதில் நம்பிக்கை வரவில்லை. டாக்டர்களே நாள் குறித்து விட்டார்கள். இனி என்ன இருக்கிறது என்றுதான் நினைத்தேன். ஆனால் எங்கள் தற்கொலை முடிவு விஷயம் அவருக்குத் தெரிந்து விட்டதால் அவர் சொன்னதைத் தட்ட முடியவில்லை. சரியென்று என்னுடைய தற்கொலை முயற்சியைக் கைவிட்டேன்.

ஒரு பத்து நாள் கழித்து உடம்பில் ஒரு தெம்பு வந்தது. கொஞ்சம் நம்பிக்கையும் வந்தது. தொடர்ந்து அதை சாப்பிட்டு வந்தேன். டாக்டர் சொன்ன கெடு முடிந்த போது நான் எழுந்து நடக்குமளவுக்குத் தேறிவிட்டேன். அப்படியே அந்த டாக்டரையும் பார்க்கப் போனேன். என்னைப் பார்த்ததும் டாக்டருக்கு ஆச்சரியம். நான் இன்னும் உயிரோடு இருக்கிறேன் என்று. எப்படிய்யா வந்தே? என்று கேட்டார். நடந்தே வந்தேன் என்றேன். நம்ப முடியாமல் என்னைப் பார்த்தார். பிறகு என்னைக் கூட்டிப் போய் டெஸ்ட் எல்லாம் எடுத்தார். என்ன ஆச்சரியம் என்றால் நோயின் கடுமை 75 சதவீதம் குறைந்து விட்டது. அது அவருக்கே அதிசயமாக இருந்தது. இது எப்படி நடந்தது என்று கேட்டார். சொன்னேன். இதே அளவில் போனால் உனது நோய் முற்றிலும் சரியாகி விட வாய்ப்பிருக்கிறது என்றார். இப்போது நான் எப்படி தெம்பாக இருக்கிறேன் என்று நீங்களே பாருங்கள்’ என்று தன்னுடைய கதையை முடித்தார் ரவிக்குமார்” என்றார் கவிஞர். நமக்கோ மிகவும் பிரமிப்பாக இருந்தது.

இன்னும் நிறைய கேட்டு தெரிந்து கொள்ள வேண்டியது இருக்கிறது. ஆனால் இந்த இடுகை மிகவும் நீளமாக ஆகிவிடும் என்பதால், உங்கள் நேரத்தின் அருமையையும், அத்தோடு உங்கள் பொறுமையையும் கவனத்தில் கொண்டு, மீதியை அடுத்த இடுகையில் தொடர்கிறேன்.

எது விலை அதிகம்? எது விலை குறைவு?

1 ஆக

நமது அழைப்பினை ஏற்று கவிஞர் கடிவேலு வந்தார். வழக்கம்போல உள்ளே நுழைந்ததும் அப்பு….. வணக்கம்ப்பு…..  என்றார். அவரை வரவேற்று உட்காரச் சொன்னோம். நல்லதொரு மருத்துவத்தை சொல்லி நம்மை ஜலதோஷத்திலிருந்து விடுதலை பெற உதவியதற்காக கவிஞர் கடிவேலுவிடம் நமது நன்றியை தெரிவித்தோம். உடனே அவர்,

இன்பத்தை எழுதும் கூர்நிறைந்த

      பென்சிலாக இல்லாவிடினும் – மற்றவர்தம்

துன்பத்தை அழிக்கும் வெண்ணிறத்து

      மென்ரப்ப ராகவாவது மாறிவிடு

என்று ஒரு கவிதையைச் சொல்லி இதுதான் நமது கொள்கை என்றார். எப்படியெல்லாம் உவமையில் விளையாடுகிறார் என்று ஆச்சரியப்பட்டேன்.

பின் அவர் பரிந்துரைத்த BIO C மாத்திரையைப் பற்றி மேலும் சில விபரங்கள் சொல்ல வேண்டும் எனக் கேட்டேன். ஒரு பாடமே எடுத்து விட்டார். இதோ அவர் சொன்னது:

பொதுவாக வைட்டமின் என்று சொன்னாலே அது இப்போது வைட்டமின் `C யைத் தான் குறிக்கிறது. அந்த அளவுக்கு முக்கியத்துவம் வாய்ந்ததாக, நமது உடலில் 300 வகையான செயல்பாடுகளுக்கு தேவைப்படுவதாக இருக்கிறது. இருதய நோய், கேன்சர் போன்ற தீவிரமான நோய்களிலிருந்து வைட்டமின் `C நம்மை பாதுகாக்கிறது என்று நிருபிக்கப்பட்டுள்ளது. மேலும் அது இல்லாவிட்டால் எந்த நோயிலிருந்தும் குணமடைவது கடினம்.

நமது தசைகளில் இருக்கும் கொலாஜன் என்ற பஞ்சு போன்ற தசைப்பகுதி உற்பத்தி ஆவதற்கே வைட்டமின் `C தேவைப்படுகிறது. உடலில் எங்காவது வெட்டுக்களோ, காயமோ ஏற்பட்டால் இந்த கொலாஜன்தான் அதை சரி செய்ய உதவுகிறது. நமக்கு ஒரு உருவம் கொடுக்கவும், உடல் உறுப்புக்களை சரியான வடிவத்தில் வைத்திருக்கவும் கொலாஜன்தான் உதவுகிறது. எனவே போதுமான அளவு வைட்டமின் `C இல்லையென்றால் இதெல்லாம் நடைபெறாது.

மேலும் ஃபோலிக் ஆசிட் போன்ற சில வைட்டமின்களையும் இரும்புச் சத்து போன்ற சில தாதுக்களையும் உடல் கிரகித்துக் கொள்ளவும், உடலில் அதன் பயன்பாட்டை அதிகப்படுத்தவும் வைட்டமின் `Cதேவைப்படுகிறது. சரியான அளவில் வைட்டமின் `Cஇருந்தால் அது உடலின் எதிர்ப்பு சக்தியைக் கூட்டி ஜலதோஷம் போன்ற தொல்லைகளிலிருந்து விடுதலை அளிக்கிறது. எனவே, இது மனிதனைத் தாக்கும் வைரஸை தடுக்கிறது என்ற சொல்ல முடியாவிட்டாலும், விரைவில் குணமடைய வைட்டமின் `Cஉதவுகிறது என்பது நிச்சயம்.

மேலும் ஒருவர் சுறுசுறுப்பு குறைவாகவும், ரொம்ப சோர்வாகவும் இருந்தாலோ, உணர்ந்தாலோ, வைட்டமின் `Cகுறைபாடுதான் காரணம் என்று தெரிந்து கொள்ளலாம். சரிவிகித உணவுப் பழக்கத்தை மேற்கொள்ளும்போது இந்த குறைபாடு நீங்குகிறது. இதில் ஒரு விசேஷம் என்றவென்றால் அதிகப்படியான வைட்டமின் `Cஉடலில் இருந்தாலும் ஆபத்து எதுவுமில்லை. அந்த அதிகப்படியான வைட்டமின் `Cதானாக வெளியேற்றப்பட்டு விடும்.

நிறைய காய்கறி மற்றும் பழங்களில் வைட்டமின் `Cகிடைக்கிறது. எலுமிச்சை, நெல்லிக்காய், மிளகு, அஸிரோலா செர்ரி பழங்கள் போன்றவை சிறந்த உதாரணங்கள். ஆனால், இது தண்ணீரில் கரையும் வைட்டமின் என்பதால், அதை சமைக்கும் போது அதிகமான நேரம் கொதிக்க வைப்பதால், தன்னுடைய வீரியத்தை இழந்து விடுகிறது. அதனால் நேரடியாக அதை சாப்பிடுவதை விட துணை உணவாக எடுத்துக் கொள்ளும்போது நல்ல பலன் கிடைக்கிறது. முக்கியமாக உடலில் உள்ள செல்களை, வளர்சிதை மாற்றத்தின் போது ஏற்படும் பாதிப்பிலிருந்து பாதுகாக்கிறது.

வெளி மார்க்கெட்டில் நிறைய வைட்டமின் `Cகிடைக்கிறது என்றாலும், அது செயற்கையான முறையில் தயாரிக்கப்பட்டது என்பதால், உடல் அதை கிரகித்துக் கொள்வது மிக மெதுவாகவே நடைபெறும், பக்க விளைவுகளையும் உண்டாக்கும். அதனால் இயற்கையான முறையில் தயாரிக்கப்பட்ட BIO C யே சிறந்தது. அது பக்க விளைவுகள் இல்லாதது. மேலும் உடனே உடலில் கிரகித்துக் கொள்ளப்படுவதால், விரைவில் பலன் கிடைக்கிறது. செல்களை பாதுகாத்து நீடூழி வாழ வகை செய்கிறது.

இவ்வாறு கவிஞர் கடிவேலு சொல்லி முடித்தார். அவர் சொன்ன விஷயங்கள் முழுவதுமாக புரியாவிட்டாலும், இயற்கையான முறையில் தயாரிக்கப்பட்ட்து என்பதும், பக்க விளைவுகள் இல்லாதது என்பதும் புரிந்தது. ஆனால் நமது மனதில் உறுத்திக் கொண்டிருந்த கேள்வியை மீண்டும் கேட்டேன். “எல்லாம் சரிதான்! ஆனால் விலைதான் கொஞ்சம் இடிக்கிறது. இவ்வளவு செலவு செய்து இதை பயன்படுத்த வேண்டுமா?” என்றேன்.

உடனே கவிஞர் சிரித்தார். “விலை அதிகம் அல்லது குறைவு என்று எதை வைத்து தீர்மானிக்கிறீர்? எல்லாம் மனித மனத்தில் ஏற்படும் ஒரு வினோதமான மாய பிம்பம்தான். ஆனால் தரமான பொருளுக்கு விலை கொஞ்சம் அதிகம் இருக்கத்தான் செய்யும். உதாரணமாக, காரில் கியர் சரியாக விழவில்லை என்று வைத்துக்கொள்வோம். அதை சரி செய்ய 2000 ரூபாய் ஆகும் என்கிறார் தொழிலில் அனுபவம் மிக்க மெக்கானிக். இதற்குப் போய் இரண்டாயிரம் ரூபாயா? என்று வீட்டுக்குப் பக்கத்தில் இருக்கும் ஒரு மெக்கானிக்கிடம் கேட்கிறீர்கள். அவன் 900 ரூபாய்தான் கேட்கிறான் என்று வைத்துக் கொள்வோம். இப்போது 2000 ரூபாய் என்பது அதிக விலை போலத் தோன்றும். ஆனால் நாளை, அனுபவமில்லாத மெக்கானிக் 900 ரூபாய்க்கு செய்த வேலையினால் கியர் பிரச்சினையாகி விபத்து நேரிட்டால், அப்போது எவ்வளவு பணம் செலவாகும்? ஒருவேளை உயிருக்கே ஆபத்தாக முடிந்தால்? இப்போது சொல்லும் 2000 ரூபாய் விலை அதிகமா?” என்று நம்மையே திருப்பிக் கேட்டார்.

நம்மால் பதில் சொல்ல முடியவில்லை. இந்த கவிஞர் கடிவேலு இப்போதெல்லாம் நன்றாகவே பேசுகிறார்.