தொகுப்பு | கவிதை RSS feed for this section

வெண்பாவின் சுவை – 2

2 மார்ச்

தமிழில் உள்ள கவிதைகளை நாம் படித்து உணரும்போது அதில் உள்ள சில சொற்கள் பல வகையான அர்த்தத்தைக் கொடுப்பதைக் காணலாம். இதை சிலேடை என்று சொல்வார்கள். அதன் அர்த்தம் புரிந்து அதன் சுவையை பருகும்போது தமிழின் பெருமையை நம் முன்னோர்கள் சிறப்பித்துக் கூறுவதற்கான காரணம் தெரியும்.

கீழே தரப்பட்டுள்ள இந்த நேரிசை வெண்பா அதுபோல் பல பொருள்களைத் தருவதை இங்கு பார்ப்போம்.

 கண்ணில்பொய் சேர்த்து கவர்ந்திடும் தன்மையால்

மண்ணில்நாம் ஏற்றகட மையென்று – எண்ணியே

மைகொண்ட பேர்களைக் கண்டால் அனிச்சையாய்

கைநீண்டு போகிறது பார்

இந்தப் பாடலை நேரடியான பொருளில் அர்த்தம் கொண்டால் கண்களில் கள்ளத்தனத்துடன் மற்றவர் பொருட்களைக் களவாடும் மனிதரைக் கண்டவுடன் அவரைக் கையும் களவுமாகப் பிடிப்பதற்கு அனிச்சையாகவே கை நீண்டு செல்கிறது என்று பொருள் தரும்.

அதாவது திருடர்கள் ஒருவகையான திருட்டு முழியுடன் நடமாடுவதால் அவர்கள் களவாடும்போது அவர்களைப் பிடிக்க காவலரோ அல்லது பொதுமக்களோ அது தமது கடமை என்று எண்ணி கை நீட்டுவார்கள் என்று அர்த்தம். மை என்ற கொல்லுக்கு குற்றம் என்றும் ஒரு பொருள் உண்டு.

வேறு பொருள்:

இதையே வேறு வகையிலும் பொருள் கொள்ளலாம். அதாவது விலையுயர்ந்த பொருளை வைத்திருப்போர் கண்களில் ஒருவிதமான பதட்டம் இருக்கும். அதை மறைக்க பொய்மையுடன் நடந்து கொள்வார்கள். அப்படிப்பட்டவர்களை திருடர்கள் எளிதாக அறிந்து கொண்டு அவர்கள்தான் தம்முடைய இலக்கு என்று உணர்ந்து சம்யம் பார்த்து திருடுவதற்கு கை நீட்டுவார்கள் என்றும் அர்த்தம் கொல்ளலாம்.

மற்றொரு பொருள்:

இதையே ஒரு ஆசிரியர் தவறு செய்த மாணவனைக் கண்டு பிடிப்பதற்கும் ஏற்ற பொருளாகக் கொள்ளலாம்.

இன்னொரு பொருள்:

இந்த வெண்பாவின் முதல் இரண்டு சீர்களை எடுத்துக் கொள்வோம்.  கண்ணில்பொய் சேர்த்து: சேர்த்து என்பது முடிவு பெறாத ஒரு சொல்லாகும். அத்துடன் கொண்டது அல்லது கொள்வது என்று இன்னொரு சொல் சேரும்போது அது முழுமை பெறும். அதாவது சேர்த்துக் கொண்ட அல்லது சேர்த்துக் கொள்ள என்பது போல்/ இந்த வெண்பாவில் அப்படி ஒரு சொல் மூன்றாவது அடியில் முதல் சீர் மைகொண்ட என்று வருகிறது. எனவே கண்ணில்பொய் சேர்த்து என்பதை கண்+இல்+பொய் என்று பிரித்து. அந்த சொற்களுடன் மை சேர்த்தால்

கண்மை கொண்ட பேர்களை என்றும்

இல்மை அதாவது இன்மை கொண்ட பேர்களை என்றும்\

பொய்மை கொண்ட பேர்களை என்றும் அர்த்தம் தரும்.

இதற்குரிய பொருள் என்ன என்று பார்ப்போம்:

அப்படிப்பட்டவர்கள் (கண்மை, இன்மை, பொய்மை கொண்டவர்கள்) எளிதில் நமது கவனத்தைக் கவர்கிறார்கள். அப்படிக் கவர்பவர்களைக் கண்டவுடன் அது நம் கடமை என்று எண்ணி அவர்களை நோக்கி நம்மை அறியாமலே கை நீட்டுகிறோம் என்பது (காரணம் வேறு வேறு என்றாலும்) இதன் பொருள்.

கண்மை – கண்களில் மை தீட்டிய பேர்களைக் (அது குழந்தையாகவோ அல்லது குமரியாகவோ இருக்கலாம்) காணும் போது அவர்களைக் கட்டி அணைத்துக் கொஞ்சுவதற்கு கை நீள்கிறது என்று பொருள்படும். குழந்தை என்றால் பிரச்சினை இல்லை, குமரி என்று சொல்லும்போது அது மனைவி அல்லது காதலி என்ற பொருளில் எடுத்துக்கொள்ள வேண்டும் இல்லையென்றால் அப்படிச் செய்பவரைத் தண்டிப்பதற்காக தானாக கை நீண்டுவிடும் என்று அர்த்தம் மாறிவிடும்.

இன்மை – தன்னிடம் இல்லை என்பதால் இன்னல் பட்டு அதை தீர்க்குமாறு கேட்பவர்களுக்கு தானமாகவோ அல்லது உதவியாகவோ பொருள் கொடுப்பதற்கு கை நீள்கிறது என்று அர்த்தம் கொள்ளலாம்.

பொய்மை – பொய் சொல்பவரை அவருடைய கண்கள் காட்டிக்கொடுத்து விடும். அப்படிப்பட்டவரைக் கண்டால் அவரைப் பிடிக்க தானாகவே கை நீண்டு விடும் என்று பொருள்படும். (அலுவலகத்தில் உயர் அதிகாரி நம் அருகில் வரும்போது அவருடன் கை கொடுப்பது அப்படித்தான் தோன்றுகிறது என்று சிலர் இதன் பொருளாக எடுத்துக் கொண்டால் அதற்கு நான் பொறுப்பல்ல)

பின் குறிப்பு:

சரி…. எல்லாம் நன்றாகத்தான் இருக்கிறது; ஆனால் இந்தப் பாடல் எந்த இலக்கியத்தில் அல்லது சங்ககாலப் பாடலில் வருகிறது என்று கேட்பவர்களுக்கு….

அதெல்லாம் ஒண்ணுமில்லீங்க… சும்மா நான்தான் எழுதிப் பார்த்தேன்.

Advertisements

கடவுள் வாழ்த்து-2

15 பிப்
மனம்கலங்கி நொந்து இனிஎன்தான் செய்வோம்
எனஇருந்த காலத்தில் தன்னை – மனம்உருகி
வேண்டிடும் பேர்களுக்கு இன்னலை நீக்கியே
ஆண்டவன் நல்அருள்புரி வான்

பொருள்:

வாழ்க்கையின் ஓட்டத்தில் மனிதன் பல இன்னல்களை சந்திக்கிறான். தன்னால் முடிந்த அளவு அவற்றோடு போராடுகிறான். ஒரு கட்டத்தில் இனிமேல் தன்னால் செய்வதற்கு ஒன்றுமில்லை என்ற நிலை வருகிறது. அதனால் கலங்கி நிற்கிறான். அப்படிப்பட்ட நிலையில் இருக்கும் ஒரே வழி இறைவனிடம் சரணடைவதுதான். அப்படி தன்னை நாடி மனம் உருகி வேண்டும் போது அவனுடைய துன்பத்தை தீர்ப்பதற்கு இறைவன் அருள் புரிகிறான். இது ஒவ்வொருவருக்கும் ஏற்படும் ஓர் அற்புத அனுபவம் ஆகும்.

 

கடவுள் வாழ்த்து

9 பிப்
கண்ணன் அருளிய காவியம் செய்யவே
திண்ணிய தந்தம் ஒடித்தவன் – பன்னிரு
வேத முதலவன் மைந்தன் கணபதி
பாதம் பணிந்துவந் தேன்.

பொருள்:

இதிகாசங்களில் ஒன்றான மஹாபாரதம் மாமுனி வியாசரால் இயற்றப்பட்டது என்பது அனைவரும் அறிந்தது. இறைவனால் உரைக்கப்பட்ட அந்தக் காவியத்தை எழுதுமாறு விநாயகரைக் கேட்டுக் கொண்டதாகவும் அதற்கு அவர் தனது தந்தத்தையே ஒடித்து அதை எழுத்தாணிக்கி எழுதினார் என்றும் புராணக்கதை சொல்கிறது. பகவான் கண்ணன் அருளிய பகவத் கீதை அந்தக் காவியத்தில் மிகவும் முக்கியத்துவம் வாய்ந்தது.

தமிழில் எழுதப்பட்ட பன்னிரண்டு திருமறைகள் முதல்வனாகக் கொண்டாடும் சிவபெருமானின் மைந்தனான விநாயகர் முழுமுதற் கடவுளுமாவார். இது போன்று இன்னும் பல சிறப்புக்களைப் பெற்ற கணபதியின் பாதத்தை வணங்கி இதை எழுத ஆரம்பிக்கிறேன்.

குறிப்பு:

பாதம் பணிந்து வந்தேன் என்று முடியும் இந்த வெண்பா, சாதாரணமாக ஏதோ கடமைக்காக விநாயகரை வணங்கி வந்தேன் என்பது போல அர்த்தம் கொடுக்கும். ஆனால் வார்த்தைகளைப் பிரித்து பொருள் கொண்டால் பாதம் பணிந்து உவந்தேன் என்று பொருள் தரும். அதாவது விநாயகரின் ஆசி கிடைத்ததால் மகிழ்ச்சி அடைந்தேன் என்ற பொருளின் அர்த்தம் மறைந்திருக்கிறது.

வெண்பாவின் சுவை

7 பிப்

தமிழார்வம் மிக்க அறிஞர்கள் சங்ககால இலக்கியங்களைத் தேடிப் படித்து பொருளுணர்ந்து அதை மற்றவர்களுக்கு விளக்குவதுண்டு. அது போல் நிறைய தளங்கள் இணையவெளியில் காணக்கிடைக்கின்றன. அதனைப் படித்து உணரும்போது தமிழின் சுவையை பருக முடிகிறது. தமிழை  அமிழ்து என்று சொல்வது எவ்வளவு பொருத்தமானது என்று புரிந்து கொள்ள முடிகிறது.

தமிழ் இலக்கியத்தில் நிறைந்துள்ள பா வகைகள் படிப்பதற்கும் சுவைப்பதற்கும் இனிமையானவை. அந்தந்த காலகட்டங்களில் இயற்றப்பட்ட நூல்களின் மூலம் அன்றைய தமிழ்ச்சமுதாயத்தின் வாழ்க்கை முறையையும், வரலாற்றுச் சிறப்பையும் கூட அதன் வழியாக தெரிந்து கொள்ள முடிகிறது.

உதாரணமாக கி.பி 250 முதல் கி.பி 500 வரையிலான காலகட்டங்களில் வாழ்ந்த மக்களைப் பற்றியும் தமிழகத்தை ஆண்ட களப்பிரர்களது ஆட்சியைப் பற்றியும் கல்வெட்டுகள், செப்பேடுகள் போன்றவைகள் மிகக்குறைவாகவே கிடைத்திருப்பதாக வரலாற்றாய்வாளர்கள் சொல்கின்றனர். ஆனால் அக்காலகட்டத்தில் எழுதப்பட்டுள்ள பதினென்கீழ்க்கணக்கு போன்ற நூல்களே அன்றைய வரலாற்றை ஓரளவு புரிந்துகொள்ள உதவுவதாக அவர்கள் கூறுகிறார்கள்.

நாலடியார், பழமொழி நானூறு, இன்னா நாற்பது, இனியவை நாற்பது போன்ற பல நூல்களும் பதினென்கீழ்க்கணக்கு வகையில் அடங்குபவையே. பெரும்பாலும் இந்நூல்கள் வெண்பா வகையைச் சார்ந்தவையாகவே காணக்கிடைக்கின்றன. வெண்பா என்பது இலக்கண வரையறைக்கு உட்பட்டு இயற்றப்படும் பா வகையாகும்.

வெண்பாவில் இயற்றப்பட்ட கவிதைகள் இயல்பாகவே என்னை ஈர்க்கிறது. அதற்கு ஈரடி வெண்பா வகையைச் சார்ந்த திருக்குறள் ஒரு உதாரணம். அதன் சுவையும் கருத்தும் நாம் தமிழ் மண்ணில் வாழ்கிறோம் என்ற பெருமிதத்தை ஏற்படுத்துவது மறுக்க முடியாதது.

அந்த ஆர்வமே நாமும் அதுபோல வெண்பா வடிக்கலாமே என்று முயற்சிக்க வைக்கிறது. அத்தகைய முயற்சியில் நானும் ஒரு சில வெண்பாக்களை வடித்துப் பார்க்கிறேன். அதில் குறையிருந்தால் கற்றறிந்த அறிஞர் பெருமக்கள் பொருத்தருள வேண்டுகிறேன். அத்தகைய குறைகளைச் சுட்டிக்காட்டினால் அதனைத் திருத்திக் கொள்ளவும் ஆயத்தமாயிருக்கிறேன்.

வினையறி யாச்சிறு பிள்ளை விளையாட்டாய் நானும்
நினைத்து வடிவமைத்த வெண்பா இதுவே – தினைப்புலத்து
வள்ளிநாதன் காத்திடுவான் என்றே; குறைசொல்லும் கற்றறிந்தார்
கள்ளிருக்கும் பானைதான் ஓட்டைஎன் பார்

பொருள்:

தமிழை நமக்களித்த முருகனை வழிபட்டு, சிறு குழந்தை விளையாட்டுப் போல வெண்பா வடிக்க முயல்கிறேன். இதில் குறையிருக்கிறது என்று கற்றறிந்த அறிஞர் பெருமக்கள் சுட்டிக்காட்டினால் அது தமிழின் குற்றமல்ல, நான் அறியாமல் செய்த பிழையே என்பதைப் புரிந்து கொள்வேன்.

ஓவியாவும் சிங்கமும்

4 ஆக

காட்டில் ஒரு சிங்கம்

பிக் பாஸ் பார்த்தது

மெய் சிலிர்த்து  –  தனக்கு

செல்லப் பெயர் ஒன்று

சூட்டிக் கொண்டது

ஓவியா என்று!

 

சொல்லும் வார்த்தைகளில் கவனம் தேவை

17 அக்

அந்தாதி வெண்பா1 2 3 4 5 6 7 8 9 10 11 12 13 14 15 16 17 18 19 20 21 22 23

24 25 26 27 28

இந்த வார வெண்பா – 29

சொல்தான் நினைப்பை செயலாக மாற்றிடும்

நல்லவழி; இன்னொரு எச்சரிக்கை – கொல்வதும்

வெல்வதும் என்றே நடைமுறை வாழ்வில்சொல்

எல்லாமாய் இருந்திடும் நம்பு

பொருள்:

மனிதன் மனதில் உருவாகும் எண்ணத்தை செயலாக மாற்ற உதவுவது சொல்தான். எண்ணத்துக்கும் செயலுக்கும் இடையில் ஒரு கதவு போல் அது செயல்படுகிறது.

ஆனால் வார்த்தைகள் மிகவும் சக்தி உள்ளவை. எனவே அதைக் கவனமாகக் கையாள வேண்டும். கவனமில்லாது சொல்லப் படும் கோபமான வார்த்தைகள் அழிவைக்கூட ஏற்ப்டுத்தி விடும்.

இதையே தெய்வப் புலவர் திருவள்ளுவரும்,

யாகாவார் ஆயினும் நாகாக்க காவாக்கால்

சோகாப்பர் சொல்இழுக்குப் பட்டு

என்ற குறளில் விளக்குகிறார்.

ஒரு வார்த்தை வெல்லும் ஒரு வார்த்தை கொல்லும் என்று சொல்வார்கள். மனிதர்களிடையே சண்டையை உண்டாக்குவதும் சொல்தான். சமாதானம் பேசி அதை நிறுத்துவதும் சொல்தான். எனவே

அன்பான வார்த்தைகளைப் பேசுங்கள்; தன்னம்பிக்கையை கொடுக்கும்.

ஆறுதல் வார்த்தைகளைப் பேசுங்கள்; தற்கொலையைக்கூடத் தடுக்கும்.

இனிமையான வார்த்தைகளைப் பேசுங்கள்; நட்பை வளர்க்கும்.

ஊக்கமான வார்த்தைகளைப் பேசுங்கள்; முயற்சியைத் தூண்டும்..

கருணையான வார்த்தைகளைப் பேசுங்கள்; சோகத்தை விரட்டும்.

நன்றிமிக்க வார்த்தைகளைப் பேசுங்கள்; உதவிடத் தூண்டும்.

பொறுமையான வார்த்தைகளைப் பேசுங்கள்; கோபத்தைக் குறைக்கும்

இறைவன் யாரைத் தேடுவான்?

21 செப்

அந்தாதி வெண்பா1 2 3 4 5 6 7 8 9 10 11 12 13 14 15 16 17 18 19 20 21 22 23

24 25 26 27

இந்த வார வெண்பா – 28

சேருகின்ற செல்வமெல்லாம் தானதர்மம் செய்திடுவேன்

தாருமென்று கேட்பவர்க்குத் தந்திடுவேன் – ஊருலகின்

துன்பமும் நீக்கிடுவேன் என்பவர்முன் ஆண்டவனும்

அன்புருவாய் தோன்றானோ சொல்

பொருள்:

தான் பெற்ற செல்வமனைத்தையும் தான தர்மம் செய்வதற்குச்  செலவிட்டு, அப்படித் தம்மிடம் உதவி வேண்டுமென்று கேட்டு வருபவர்களுக்கு இல்லை என்று சொல்லாது ஈந்து, உலகத்து மாந்தர்களின் துன்பங்களைத் துடைப்பேன் என்று உறுதி கொண்டு வாழ்பவர்களுக்கு அன்பு மயமான எல்லாம் வல்ல இறைவனே தேடி வந்து காட்சி தர மாட்டானோ?

சுயநலமின்றி வாழ்ந்தால் புண்ணியம்

7 செப்

அந்தாதி வெண்பா1 2 3 4 5 6 7 8 9 10 11 12 13 14 15 16 17 18 19 20 21 22 23

24 25 26

இந்த வார வெண்பா – 27

பயனைப் பெரிதாய் கருதாமல் என்றும்

சுயநலம் இன்றியே வாழு – தயவினை

நாடியே வந்தவர்தம் துன்பமது நீக்கினால்

தேடியே புண்ணியம் சேரும்

பொருள்:

யோகத்தால் வரும் பயனை மட்டுமே கருதி சுயநலத்துக்காக அதைப் பழகாமல், பிறருக்கு உதவ அதை ஒரு வாய்ப்பாகக் கருதி வாழ வேண்டும். துன்பத்தால் தவித்து அதிலிருந்து விடுபட வேண்டி தம்மை நாடி வருபவர்களின் துயரத்தை துடைப்பதை வாழ்வின் குறிக்கோளாகக் கொண்டு செயல்பட்டால், எல்லாப் புண்ணியங்களும் தேடி வந்து சேரும்.

யோகத்தால் பயன் உண்டு

21 ஆக

அந்தாதி வெண்பா1 2 3 4 5 6 7 8 9 10 11 12 13 14 15 16 17 18 19 20 21 22 23

24 25

இந்த வார வெண்பா – 26

தெறித்தே பலதிசையும் ஓடும் மனம்ஓர்

நெறியை அறியா நிலையில் – அறிந்தே

முறையாக யோகம் பயின்றால் அதன்பின்

குறையாது வந்திடும்நற் பயன்

பொருள்:

மனதைக் கட்டுப் படுத்தும் வழிமுறை அறியாத நிலையில், அது ஒரு நிலையில் நில்லாது கண்டபடி ஓடும். ஆனால் தகுந்த குருவிடம் தீட்சை பெற்று முறையாக யோகப் பயிற்சி செய்து வந்தால் மனம் ஒருநிலைப்படும். அதன் காரணமாக சிறந்த பயன் நம்மை வந்தடையும் என்று நிச்சயமாக நம்பலாம்.

பிறர்க்கு உதவுவதே தர்மம்!

7 ஆக

அந்தாதி வெண்பா1 2 3 4 5 6 7 8 9 10 11 12 13 14 15 16 17 18 19 20 21 22 23

24

இந்த வார வெண்பா – 25

வருகின்ற தெல்லாம் பிறர்க்கு நிறைவாய்

தருகின்ற வாழ்க்கையே தர்மம் – கருமய்யம்

கொண்ட வினைப்பதி வெல்லாம் இதனாலே

கண்டபடி ஓடும் தெறித்து

பொருள்:

அன்னையில் அருளால் நாம் பெற்ற செல்வம் அனைத்தையும் தேவை உள்ளவருக்கு கொடுத்து நிறைவாக வாழ்வதே தர்மம் மிகுந்த வாழ்க்கையாகும். அப்படி வாழும் புண்ணியம் மிக்க வாழ்வின் பயனாய் இதுவரை நமது கருமய்யத்தில் பதிந்திருக்கும் வினைப் பதிவுகள் எல்லாம் முழுவதுமாக நீங்கி விடும். அதன் பின்பு மீண்டும் மீண்டும் பிறவி எடுத்து அல்லல்படும் நிலைமை நமக்கு வராது.