அன்றாட வாழ்வில் நகைச்சுவை!!

7 ஜூலை

அது இருந்தா இது இல்லே!

       இது இருந்தா அது இல்லே!

அதுவும் இதுவும் சேர்ந்திருந்தா

       அவனுக்கிங்கே இடமில்லே!

`நல்ல தீர்ப்பு’ படத்தில் இடம்பெற்ற மிக நல்ல கருத்துள்ள அருமையான பாடல் இது. மாபெரும் கவிஞர் பட்டுக்கோட்டை கல்யாணசுந்தரம் அவர்களின் பாட்டு என்று நினைக்கிறேன்.

இதில் வரும் அது இது என்ற வார்த்தைகளுக்கு பலவித அர்த்தத்தை அந்தப் பாட்டில் கவிஞர் சொல்லியிருப்பார்.

இப்பொழுதும் சிலர் கோபத்திலோ, வார்த்தை வராமல் தடுமாறும்போதோ, அது இது என்று சொல்வார்கள். அது சில சமயங்களில் சிரிப்பை உண்டாக்கும் விதமாக அமைந்து விடும்.

அதுபோலத்தான் கடந்த ஞாயிற்றுக்கிழமை எங்கள் அப்பார்ட்மென்ட்டில் அஸோஸியேசன் மீட்டிங் நடந்தது. இது சாதாரணமாக அவ்வப்போது நடப்பதுதான். இப்போது கரண்ட் பில் எக்கச்சக்கமாக ஏறி இருப்பதால் மெயின்டனென்ஸ் சார்ஜை அதிகப்படுத்துவது பற்றி பேசுவதற்காகத்தான் அந்த மீட்டிங் ஏற்பாடாகியிருந்தது.

குறித்த நேரத்திற்கு எல்லோரும் வந்து விட்டார்கள். அஸோஸியேசன் பிரஸிடென்ட், செகரட்டரி மற்றும் பொருளாளர் எல்லோரும் ஆஜராகியிருந்தார்கள். பொதுவான விளக்குகளுக்கும், தண்ணீரை மேலே உள்ள தொட்டியில் ஏற்றுவதற்கு ஆகும் மோட்டார் கரண்ட்டுக்கும் சேர்த்து இப்போது 1200 ரூபாய் அதிகமாவதால், மெயின்டனென்ஸ் சார்ஜை மாதம் ஐம்பது ரூபாய் என்று ஏற்றலாம் என்று ஒருமனதாக முடிவெடுத்தபின் மற்ற விஷயங்களைப் பற்றி பேச்சு திரும்பியது.

அப்போது வீட்டினுள் உள்ள குழாயில் அடிக்கடி கலங்கலான தண்ணீர் வருவதாகவும், மேலே உள்ள தொட்டியை சுத்தம் பண்ணுவது சரியில்லையென்றும் ஒருவர் குறை சொன்னார். மற்றும் சிலரும் அதையே சொன்னார்கள். உடனே அஸோஸியேசன் செகரட்டரி, வாட்ச்மேனை அழைத்தார். ஏனென்றால் அவன்தான் சுத்தம் செய்பவன். கொஞ்ச நாள் முன்னாடி வரை சுத்தம் செய்வதற்கு வெளியிலிருந்து ஒருவன் வந்துகொண்டிருந்தான்.

இப்போது செகரட்டரி பற்றியும், வாட்ச்மேன் பற்றியும் ஒரு சின்ன அறிமுகம். செகரட்டரி ஒரு கம்பெனியில் மேனேஜராக வேலை பார்த்து ரிட்டையர் ஆனவர். கொஞ்சம் கண்டிப்பானவர். கோபத்தை எப்படி காண்பித்து வேலை வாங்குவது என்று தெரிந்தவர். இப்போதுள்ள வாட்ச்மேன் புதிதாக வந்தவன். எப்போதும் செல்போனும் கையுமாக இருப்பான். மதியம் ஒருமணிக்கு வாசலில் உட்கார்ந்து தூங்கிக் கொண்டிருப்பான். மற்றவர்கள் வந்தால் அவனுக்குப் பயமில்லை. ஆனால் செகரட்டரியோ, பிரஸிடென்டோ வந்தால் அரக்கப் பரக்க எழுந்து நிற்பான். மற்றவர்களும் அவனைக்கண்டு கொள்வதில்லை. ஏனென்றால் இப்போது நல்ல வாட்ச்மேன் கிடைப்பதே குதிரைக் கொம்பாக இருக்கிறது.

இதற்கு முன்னால் வேறு ஒரு வாட்ச்மேன் இருந்தான். அவன் தனி ஆளாக இருந்த வரைக்கும் அவனுடைய சம்பளத்திலேயே நிம்மதியாக வாழ்ந்து கொண்டிருந்தான். ஆனால் அவனுக்குத் திருமணம் ஆன பிறகு வருமானம் போதவில்லையென்று தானே தொட்டியை சுத்தம் செய்வதாகவும், அதற்குரிய பணத்தை தனக்கே கொடுத்துவிடுமாறும் கேட்டு, எல்லோரும் ஒத்துக் கொண்டதால், அவனே அதைச் செய்து வந்தான். அத்துடன் மோட்டார் பைக்கையோ, காரையோ தினமும் சுத்தம் செய்து அதற்கு ஒரு தொகையையும் மாதாமாதம் பெற்று வந்தான்.

அந்த வாட்ச்மேன் சொந்த பிரச்சினை காரணமாக வேலையை விட்டுப் போய்விட்டான். அவனை அடுத்து வந்தவன்தான் இப்போதுள்ள வாட்ச்மேன். இவன் இளைஞன். இன்னும் திருமணம் ஆகவில்லை. இருந்தாலும் பழைய வாட்ச்மேன் செய்த அதே வேலையை இவனும் செய்து அதற்குரிய பணத்தை பெற்று வந்தான். ஆனால் இவனுடைய வேலை சுத்தமில்லை என்றுதான் இப்போது எல்லோரும் கம்ப்ளெயின்ட் பண்ணுகிறார்கள்.

செகரட்டரி கூப்பிட்டவுடன் வாட்ச்மேனும் வந்தான். “நீ தொட்டியை சரியாகச் சுத்தம் பண்ணுவதில்லையென்று எல்லோரும் சொல்கிறார்கள். ஏன் ஒழுங்காக வேலை செய்ய மாட்டாயா?” என்று அவனிடம் கேட்டார்.

“இல்லை சார், நன்றாகத்தான் சுத்தம் செய்கிறேன்.” என்றான் அவன்.

“அடுத்த முறை சரியாக இது செய்யவில்லையென்றால் (ஆட்காட்டி விரலையும் நடுவிரலையும் கத்தரிக்கோல் போல் அசைத்தவாறு) அது கட்டாகி விடும்” என்றார். அவன் பயந்து விட்டான். மற்றவர்களும் செகரட்டரியைப் பார்த்தார்கள். செகரட்டரி கோபக்காரர்தான், ஆனால் இப்போது என்ன சொல்ல வருகிறார் என்று புரியாமல் வாட்ச்மேன் விழித்தான்.

இதையெல்லாம் கவனித்துக் கொண்டிருந்த பிரஸிடென்ட், “நீ சரியாக சுத்தம் செய்யவில்லையென்றால் உனக்கு அதற்கென்று கொடுக்கப்படும் பணம் கட்டாகிவிடும் என்று சார் சொல்கிறார்” என்றார். இதைக்கேட்டு மற்றவர்களெல்லாம் சிரித்துவிட்டார்கள்.

இதில் என்ன நகைச்சுவை இருக்கிறது என்று கேட்பவர்களுக்கு என்னிடம் பதிலில்லை.

Advertisements

ஒரு பதில் to “அன்றாட வாழ்வில் நகைச்சுவை!!”

  1. Pandian Govindarajan ஜூலை 9, 2012 இல் 7:54 முப #

    குறிப்பிட்ட விவாதத்தில் லயித்திருக்கும்போது அது இதுவுக்கு குழம்ப வேண்டிய அவசியமில்லை.அந்த விவாதம் சார்ந்த லயிப்பு இல்லாதபோது மனிதமனங்களில் தேங்கிக்கிடக்கின்ற வக்ரங்கள் முன்னுக்கு வருவது இயல்புதான்.காளமேகத்தின் கவிதைகளிலும் கவுண்டமணியின் உரையாடல்களும் இந்த சிலேடைகளுக்கு பஞ்சமற்றது.
    விரசமான சுவை !
    வில்லவன் கோதை.

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s

%d bloggers like this: