கவிஞர் கடிவேலுவின் விஷயஞானம்

12 ஜூன்

கவிஞர் கடிவேலுவுடன் ஞாயிற்றுக்கிழமை ஓரிடத்திற்குச் சென்றேனல்லவா? அந்த நிகழ்ச்சியில் ஒருவர் தான் லண்டனுக்கு சென்ற இலவச சுற்றுப்பயணம் பற்றியும், அங்கே எடுத்த போட்டோக்களையும் காண்பித்தார்கள் அல்லவா? அது முடிந்து வெளியே வந்தவுடன், “எப்படி இருந்தது” என்று கவிஞர் கடிவேலு கேட்டார்.

எனக்கு எதுவுமே புரியவில்லை என்றேன். எல்லோரும் உற்சாகமாகவும், ஆரவாரத்தோடும் நிகழ்ச்சியைப் பார்த்தார்கள். நமக்கும் அந்த உற்சாகம் தொற்றிக் கொள்வது என்னவோ உண்மைதான். மூன்று மணி நேரம் போனதே தெரியவில்லை. ஆனால் இதெல்லாம் என்ன? ஏன் இந்த உற்சாகம்? யாரோ போய்விட்டு வந்த சுற்றுப்பயணத்தை கண்டு ஏன் இத்தனை ஆர்ப்பாட்டம்? கொஞ்சம் புரியும்படி சொல்லுங்கள் என்றேன்.

உடனே கவிஞர் கடிவேலு கவிதையிலேயே பதில் சொன்னார்.

பள்ளிக் கூடம் வந்த அன்றே

      பட்டம் வழங்கிட வேண்டுமா?

முட்டை ஓட்டை உடைத்து குஞ்சு

      முனைந்து வெளிவர வேண்டாமா?

அள்ளித் தெளித்த அவசர கோலம்போல்

      அலங்கோல மாகிட வேண்டுமா?

பட்டை தீட்டிய வைரம் ஜொலிக்க

      வெட்டுப் பட்டிட வேண்டாமா?

அவர் சொன்ன கவிதையில் பலவித அர்த்தங்கள் இருந்தது போல் தோன்றியது. புரிந்தது போலவும் தெரிகிறது. புரியாதது போலவும் இருக்கிறது.

அத்துடன் அவர் வழக்கமாக ஆரம்பிக்கும் போது சொல்லும்

அப்பு…. வணக்கம்ப்பு….    கூட இல்லை.

“பள்ளிக்கூடமா? பட்டம் வாங்குவதா? என்ன கவிஞரே, ஏதேதோ சொல்கிறீர். ஒன்றும் புரியவில்லையே” என்றேன்.

“நான் சொன்ன கவிதையை மறுபடி படியும்” என்றார்.

மறுபடி படித்துப் பார்த்துவிட்டு, “கவிதை நன்றாகத்தான் இருக்கிறது. ஆனால் இதன் மூலம் நீங்கள் சொல்ல வருவது என்ன” என்றேன்.

அவர் சொன்ன விளக்கத்தின் மூலம் நான் தெரிந்து கொண்டது இதுதான். இது ஒரு மிகச்சிறந்த வாய்ப்பாம். ஆனால் உடனடியாக அதைப்பற்றி தெரிந்து அல்லது புரிந்து ஒரு முடிவு எடுத்துவிட முடியாதாம்.

எப்படி கல்வி கற்று பட்டம் வாங்க வேண்டுமென்றால், முறையாக ஒவ்வொரு வகுப்பாகத் தேர்ச்சி பெற்று பட்டம் வாங்க வேண்டுமோ, அது போல கற்று தேர்ச்சி பெற வேண்டுமாம்.

முட்டையிலிருந்து குஞ்சு வெளிவர, எப்படி ஒரு கோழியின் இளஞ்சூடு தேவைப்படுகிறதோ, அதுவும் தொடர்ந்து இருபத்தியோரு நாள் பொறுமை காக்க வேண்டியிருக்கிறதோ, அது போல பொறுமையாக தொடர் முயற்சி செய்ய வேண்டுமாம்.

அது மட்டுமல்ல குஞ்சு வெளிவர சரியான காலம் கழிந்தபின் அதுவாகவே முட்டையின் ஓட்டை உடைத்துக்கொண்டு வெளிவர வேண்டும். அதன் மீது பரிதாபப்பட்டு, நாம் முட்டையின் ஓட்டை உடைத்து அது வெளிவர உதவி செய்தோமென்றால், வெளிவந்த சிறிது நேரத்தில் அது இறந்து விடும்.

அத்துடன் அவசரத்தில் அள்ளித்தெளித்து கோலம் போட்டால் அது அலங்கோலமாகவே முடியும்.

மேலும் வைரம் பட்டை தீட்டும் முன்பு சாதாரணக்கல் போலவே இருக்கும். அதைக்கண்டு பிடித்து, சரியான முறையில் பட்டை தீட்டினால் மட்டுமே அது மதிப்பு மிக்க வைரமாக ஜொலிக்கும். அப்படி பட்டை தீட்டும்போது அந்தக் கல் வெட்டுப்படும். ஆதாவது தேவையில்லாத பகுதிகள் வெட்டி எறியப்படும்.

அதுபோல இந்த அரிய வாய்ப்பை சரியான முறையில் பயன் படுத்தி வெற்றி பெற வேண்டுமென்றால், நாமும் மேற்கண்டவாறு நம்மை தயார்படுத்திக் கொள்ள வேண்டும் என்று விளக்கினார் கவிஞர் கடிவேலு.

அவர் இவ்வாறு பேசியதைக் கேட்க மிகவும் ஆச்சரியமாக இருந்தது. ஏதோ அவ்வப்போது வந்து கவிதை என்ற பெயரில் வேடிக்கையாக ஏதாவது சொல்லுவார் என்றுதான் அவரைப் பற்றி நினைத்திருந்தேன். ஆனால் இப்போது ஆசிரியர் பாடம் எடுப்பது போல் பேசுகிறாரே என்று அதிசயித்தேன்.

அத்துடன் அவர் சொன்ன கவிதையை கவனித்தால், ஒவ்வொரு வரியின் முடிவிலும் வேண்டுமா? வேண்டாமா? என்றே முடிக்கிறார். அதாவது இந்த வாய்ப்பு வேண்டுமா? வேண்டாமா? தேவையென்றால் எடுத்துக்கொள் இல்லையென்றால் விட்டுவிடு என்ற தொனியில் இருக்கிறது.

இவரையே இந்தளவு மாற்றியிருக்கிறது என்றால் அது என்னவென்று கட்டாயம் தெரிந்து கொள்ள வேண்டும் என்று முடிவெடுத்தேன்.

Advertisements

ஒரு பதில் to “கவிஞர் கடிவேலுவின் விஷயஞானம்”

Trackbacks/Pingbacks

  1. மாற்றத்தை ஏற்றுக்கொள்ள கற்றுக் கொள்ளுங்கள்! - இனிய இணைய இணைப்புகள் - இலவசம் - செப்ரெம்பர் 2, 2012

    […] போது, ஒரு ஆச்சரியம் காத்திருந்தது. கவிஞர் கடிவேலு அனுப்பியிருந்த ஒரு […]

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s

%d bloggers like this: